ភ្នំពេញ៖ ផ្ទះល្វែងមួយកន្លែងត្រូវបានអគ្គិភ័យឆាបឆេះបង្កជាអណ្តាតភ្លេីងនិងផ្សែងខ្មួរខ្មាញ់បង្កការភ្ញាក់ផ្អេីលដល់ប្រជាពលរដ្ឋកាលពីវេលាម៉ោង១និង៥៥នាទីរសៀល ថ្ងៃទី៧ ខែវិច្ឆិកា ឆ្នាំ២០២៣ នៅក្នុងបុរីចាន់សម្បត្តិ ផ្ទះលេខ៤៨ ក្នុងភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ។
ម្ចាស់ផ្ទះឈ្មោះអ៊ុក ខេមរា ភេទប្រុស អាយុ៤៤ឆ្នាំ មុខរបរកាត់ ដេរ ស្នាក់កន្លែងកេីតហេតុខាងលេី។
តាមប្រភពព័ត៌មានបានឱ្យដឹងថា មុនពេលកេីតហេតុម្ចាស់បានចាក់សោរខាងក្រៅដោយជូនកូនទៅសាលារៀនបន្ទាប់មកស្រាប់តែឃេីញមានផ្សែងហុយចេញមកខាងក្រៅយ៉ាងខ្មួរខ្មាញ់និងផ្ទុះបែកកញ្ចក់ទ្វាទេីបមានការភ្ញាក់ផ្អេីលដល់អ្នកជិតខាងនាំគ្នាយកបំពង់ពន្លត់អគ្គិភ័យមកទម្លុះទ្វានិងបង្អួចចូលទៅបាញ់ពន្លត់។
ភ្លាមនោះមានរថយន្តពន្លត់អគ្គិភ័យរបស់ស្នងការនគរបាលរាជធានីចំនួនមួយគ្រឿងនិងកងសង្គ្រោះ៧១១ កងពលតូចលេខ៧០ចំនួន២គ្រឿងមកអន្តរាគមន៍តែមិនបានបាញ់នោះទេដោយគ្រប់គ្រងបាននិងមិនរាលដាលដល់ផ្ទះអ្នកជិតខាងនោះទេហេីយក៏មិនមានមនុស្សរងរបួសនោះដែរ។
សមត្ថកិច្ចបញ្ជាក់ថាមូលហេតុដោយសារឆ្លងចរន្តអគ្គិសនីពីម៉ាស៊ីត្រជាក់។
សម្ភារខូចខាតរួមមាន៖ ពួកមួយ ម៉ាស៊ីនត្រជាក់មួយគ្រឿង កញ្ចក់ទ្វា២ផ្ទាំង ៕
ដោយ៖សុខាសែនជ័យ
