ភ្នំពេញ៖ បុរសម្នាក់បានស្លាប់នៅនិងកន្លែងកើតហេតុភ្លាមៗ ខណៈពេលបើម៉ូតូលឿនមិនប្រយ័ត្ន ជ្រុលទៅបុករថយន្តមិនស្គាល់ម៉ាក ពីក្រោយបណ្តាលឲ្យដួលបោកក្បាលនៅនឹងផ្លូវ។

ហេតុការណ៍គ្រោះថ្នាក់ចរាចរណ៍ខាងលើនេះដែរ បង្កឲ្យមានការភ្ញាក់ផ្អើលកាលពីវេលាម៉ោង ៩និង៣០នាទីយប់ថ្ងៃទី២០ ខែវិច្ឆិកាឆ្នាំ២០២៣ ស្ថិតនៅលើផ្លូវជាតិលេខ៣ ក្នុងសង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។
សពជនរងគ្រោះមានឈ្មោះ ឈុន នី ភេទប្រុស អាយុ៣៣ឆ្នាំ រស់នៅភូមិច្រកព្រាល ឃុំឃុំភក្កី ស្រុកបសេដ្ឋ ខេត្តកំពង់ស្ពឺ។
ប្រភពព័ត៌មានពីបុរសម្នាក់បានឲ្យដឹងថា មុនពេលកើតហេតុរូបគាត់បានឃើញបុរសរងគ្រោះបលកម៉ូតូម៉ាកហុងដាឌ្រីមសង់សេ១២៥ ពណ៌សខ្មៅពាក់ស្លាកលេខ កំពង់ស្ពឺ 1B-0575 បើកតាមបណ្តោយផ្លូវជាតិលេខ៣ ក្នុងទិសដៅពីជើងមកត្បូង ខណៈបើកមកដល់ចំណុចកើតហេតុ បាន
បុកពីក្រោយរថយន្តមួយគ្រឿងមិនស្គាល់ម៉ាក ដែលចតនៅលើចិញ្ចើមផ្លូវបណ្តាលឲ្យជនរងគ្រោះស្លាប់នៅនឹងកន្លែង ក្រោយមកក៏មានប្រជាពលរដ្ឋ
រាយការណ៍ ទៅសមត្ថកិច្ចមូលដ្ឋានឲ្យចុះមកទីតាំងកើតហេតុភ្លាមៗផងដែរ។
បន្ទាប់ពីកើតហេតុសមត្ថកិច្ចមូលដ្ឋាន បានចុះមកដល់ទំនាក់ទំនងទៅសមត្ថកិច្ចជំនាញចរាចរណ៍ ចុះមកធ្វើកំណត់ហេតុយកម៉ូតូជនរងគ្រោះ ទៅរក្សាទុកនៅអធិការដ្ឋាននគរបាលដ្ឋានខណ្ឌកំបូល ។ ចំណែកសពសមត្ថកិច្ចធ្វើកំណត់ហេតុប្រគល់ ឲ្យទៅក្រុមគ្រួសារយកទៅធ្វើបុណ្យនៅឯស្រុកកំណើតតាមប្រពៃណី៕ដោយ៖ជ្រោយពេជ្រ