ភ្នំពេញ៖ ជនសង្ស័យម្នាក់ត្រូវនគរបាលចាប់ខ្លួនភា្លម បន្ទាប់ពីបានបង្ករបួសស្នាមទៅលើភាគីគូទំនាស់ បណ្តាលឲ្យដាច់ម្រាមដៃខាងឆ្វេងអស់៤ម្រាម ក្រោយជនរងគ្រោះ និងជនសង្ស័យទាស់សម្តីគ្នា ខណៈផឹកស្រា ប៉ះចំស្រាកាច និងស្រាកាំបិតបុ័ងតោរួចមកនោះ ។
អំពើហិង្សាបានកើតឡើងកាលពីវេលាម៉ោង៧និង៣០នាទីយប់ ថ្ងៃទី៧ ខែកក្កដា ឆ្នាំ២០១៦ ស្ថិតនៅចំណុចផ្ទះជួល ភូមិច្រេស សង្កាត់ភ្នំពេញថ្មី ខណ្ឌសែនសុខ រាជធនីភ្នំពេញ ។
បន្ទាប់ពីកើតហេតុ កម្លាំងប៉ុស្តិ៍នគរបាលភ្នំពេញថ្មីបានចុះឃាត់ខ្លួនជនសង្ស័យម្នាក់ ឈ្មោះ សំនៀង ស្រស់ ភេទប្រុស អាយុ២២ឆ្នាំ មុខរបរជាងពិដាន និងដកហូត បានកាំបិទបាំងតោ១ដើម ដែលជាវត្ថុតាងជាក់លាក់ ។ រីឯជនរងគ្រោះឈ្មោះ មាន វាសនា ភេទប្រុស អាយុ ២៤ឆ្នាំ មុខរបរ នៅផ្ទះ ដាច់ម្រាមដៃឆ្វេង៤ម្រាម ត្រូវបញ្ជូនទៅព្យាបាលនៅមន្ទីរពេទ្យ ។
បច្ចុប្បន្នសមត្ថកិច្ចបាននិងឃុំខ្លួនជនសង្ស័យបណ្តោះអាសន្ននៅអធិការដ្ឋាននគរបាលខណ្ឌសែនសុខ ៕
ដោយ៖ សហការី
