ខេត្តស្ទឹងត្រែង៖ ជនសង្ស័យម្នាក់ត្រូវបានឃាត់ខ្លួនជាមួយនឹងគ្រឿងញៀនជិត១គីឡូក្រាមកាលពីវេលារសៀលថ្ងៃទី៨ ខែកក្កដា ឆ្នាំ២០១៦ នេះនៅចំណុចវត្តកណ្ដាល ឃុំកណ្ដាល សង្កាត់-ក្រុង-ខេត្តស្ទឹងត្រែង។

សមត្ថកិច្ចបានឲ្យដឹងថា ជនសង្ស័យជួញដូរគ្រឿងញៀនមានឈ្មោះ ប៉ៃ សំអឿន អាយុ៣៤ឆ្នាំ មានទីលំនៅក្នុងភូមិ-ឃុំកំផុត ស្រុកសេសាន ខេត្តស្ទឹងត្រែង ។ បន្ទាប់ពីឃាត់ខ្លួនកម្លាំងនគរបាលការិយាល័យគ្រឿងញៀនខេត្តបានចាប់យកវត្ថុតាងជាគ្រឿងញៀនប្រភេទមេតំហ្វេតាមីន១កញ្ចប់ធំទម្ងន់៩៣៧.៩ក្រាម។

ជនសង្ស័យត្រូវបានសមត្ថកិច្ចធ្វើការសាកសួរតាមនីតិវិធី ដើម្បីកសាងសំណុំរឿងបញ្ជូនទៅកាន់សលាដំបូង៕

ដោយ៖ សុខ ខេមរា