ខេត្តបន្ទាយមានជ័យៈ បុរសម្នាក់បើកម៉ូតូរេចង្កូតធ្លាក់ពីលើផ្លូវជាតិដួលបើកក្បាលស្លាប់នៅវេលាម៉ោង១និង២៧នាទីរសៀលថ្ងៃទី០៣ ខែធ្នូ ឆ្នាំ២០២៣ លើផ្លូវខេត្តលេខ២.៥៦៤ពីភូមិផ្គាំទៅភូមិស្វាយស ត្រង់ចំណុចចំការកៅស៊ូខាងលិចបន្ទាយទាហានចម្ងាយប្រហែល៣០០ម៉ែត្រ ស្ថិតក្នុងភូមិផ្គាំ ឃុំផ្គាំ ស្រុស្វាយចេក ។
នគរបាលមូលដ្ឋានបានឲ្យដឹងថា ជនរងគ្រោះឈ្មោះ ម៉ៅ ចែ ភេទប្រុស អាយុ ៥៧ឆ្នាំនៅត្រពាំងថ្មខាងជើង ឃុំប៉ោយចារ ស្រុកភ្នំស្រុក ។ មុនពេលកើតហេតុជនរងគ្រោះជិះតែម្នាក់ឯង ម៉ូតូម៉ាកទ្រីមសេរីឆ្នាំ១៩៩៩ គ្មានស្លាកលេខធ្វើដំណើរពីភូមិគោកកឋិន ឃុំគោកកឋិន ស្រុកថ្មពួក ត្រឡប់ទៅផ្ទះវិញនៅត្រពាំងថ្មខាងជើង ឃុំប៉ោយចារ ស្រុកភ្នំស្រុក ក្នុងទិសដៅពីទិសដៅពីលិច ទៅកើតមកដល់កន្លែងកើតហេតុ បានរេចង្កូតធ្លាក់ពីលើចិញ្ចើមផ្លូវផ្នែកខាងស្តាំដួលម៉ូតូបោកក្បាលទៅនឹងថ្នល់ បណ្តាលអោយស្លាប់នៅកន្លែងកើតហេតុតែម្តង។
នគរបាលបានបញ្ជាក់ថា៖មូលហេតុជនរងគ្រោះបើកបរមានល្បឿនលឿន ខ្វះការប្រុងប្រយ័ត្ន ។ សម្ភារ: ម៉ូតូខូចខាតស្រាលសាកសពរួមទាំងម៉ូតូបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕

ដោយ៖ វណ្ណា