អ្នកឡើងភ្នំ 11 នាក់ត្រូវបានគេកំណត់ថាបានស្លាប់បន្ទាប់ពីការផ្ទុះភ្នំភ្លើងកាលពីថ្ងៃទី 3 ខែធ្នូនៅក្នុងប្រទេសឥណ្ឌូនេស៊ី ហើយការស្វែងរកអ្នកបាត់ខ្លួន 12 នាក់ផ្សេងទៀតក៏ត្រូវបានបញ្ឈប់ជាបណ្តោះអាសន្នផងដែរដោយសារតែការព្រួយបារម្ភអំពីសុវត្ថិភាព។

នៅថ្ងៃទី 4 ខែធ្នូ លោក Jodi Haryawan អ្នកនាំពាក្យក្រុមស្វែងរកនិងជួយសង្គ្រោះឥណ្ឌូនេស៊ី បាននិយាយថា អ្នកនៅរស់រានមានជីវិតចំនួន3នាក់ត្រូវបានគេរកឃើញ រួមជាមួយនឹងសាកសពអ្នកឡើងភ្នំ 11 នាក់ ក្នុងចំណោមមនុស្សសរុប 75 នាក់នៅក្នុងពេលនៃការផ្ទុះភ្នំភ្លើង។ ភ្នំភ្លើង Marapi នៅកោះស៊ូម៉ាត្រាខាងលិច ប្រទេសឥណ្ឌូនេស៊ី។
ភ្នំភ្លើងដែលមានកម្ពស់ 2.891 ម៉ែត្របានបញ្ចេញផេះរហូតដល់ 3 គីឡូម៉ែត្រទៅលើមេឃកាលពីថ្ងៃទី 3 ខែធ្នូ។ អាជ្ញាធរបានដំឡើងកម្រិតប្រកាសអាសន្នដល់កម្រិតខ្ពស់បំផុតទីពីរ ហើយហាមមនុស្សមិនឱ្យធ្វើដំណើរក្នុងចម្ងាយ ៣ គីឡូម៉ែត្រពីរណ្ដៅភ្នំភ្លើង។
លោក Jodi បាននិយាយថា ការផ្ទុះបានធ្វើឱ្យការស្វែងរកអ្នកឡើងភ្នំដែលបាត់ខ្លួនត្រូវបានផ្អាក។ លោកបាននិយាយថា៖ «វាគ្រោះថ្នាក់ពេកសម្រាប់យើងក្នុងការបន្តការស្វែងរកឥឡូវនេះ»។
លោក Jodi បានបន្ថែមថា អ្នកឡើងភ្នំចំនួន 49 នាក់ត្រូវបានជម្លៀសចេញពីតំបន់នោះកាលពីថ្ងៃទី 4 ខែធ្នូ ដែលភាគច្រើនកំពុងត្រូវបានព្យាបាលដោយការរលាក។
Marapi គឺជាភ្នំភ្លើងសកម្មបំផុតមួយនៅលើកោះស៊ូម៉ាត្រា ហើយការផ្ទុះដ៏សាហាវបំផុតរបស់វាគឺនៅក្នុងខែមេសា ឆ្នាំ 1979 ដែលបានសម្លាប់មនុស្ស 60 នាក់។
ឆ្នាំនេះវាបានផ្ទុះឡើងចាប់ពីខែមករាដល់ខែកុម្ភៈ ហើយបានបញ្ចេញផេះកម្ពស់ប្រហែល 75-1,000 ម៉ែត្រពីកំពូលភ្នំ។
ប្រទេសឥណ្ឌូណេស៊ីស្ថិតនៅលើ “Ring of Fire” នៃមហាសមុទ្រប៉ាស៊ីហ្វិក និងមានភ្នំភ្លើងសកម្មចំនួន 127 នេះបើយោងតាមការបារម្ភពីសុវត្ថិភាពពីភ្នាក់ងារភ្នំភ្លើង៕ដោយធីរីណា

រូប​ថត​: Reuters