ខេត្តស្វាយរៀង: សមត្ថកិច្ចបានធ្វើការឃាត់ខ្លួនជនសង្ស័យបានម្នាក់ក្នុងករណីឆក់កាបូបជនរបទេស នៅក្រុងបាវិត។

ហេតុការណ៍នេះបានកើតឡើងកាលពីវេលាម៉ោង៣ និង ២៥ នាទីទៀបភ្លឺ ថ្ងៃទី៦ ខែឆ្នាំដដែល នៅចំណុចលើផ្លូវជាតិលេខ១ ស្ថិតភូមិបាវិតកណ្តាល សង្កាត់បាវិត ក្រុងបាវិត។

យោងតាមសមត្ថកិច្ចនគរបាលបានអោយដឹងថាជនសង្ស័យមានឈ្មោះ អ៊ុក រដ្ឋា  មានទីលំនៅភូមិចំបក់កោង ឃុំតាសួស ស្រុកស្វាយជ្រំ ខេត្តស្វាយរៀង។

ប្រភពបន្តថា បន្ទាប់ពីមានសេចក្ដីរាយការណ៏ថា នៅចំណុចភូមិតាបឹប សង្កាត់បាវិត ក្រុងបាវិត ខេត្តស្វាយរៀង សមត្ថកិច្ច អធិការនគរបាលក្រុងបាវិត សហការជាមួយនគរបាលប៉ុស្ត័រដ្ឋបាលបានចុះមកអន្តរាគមន៏ ខណៈជនសង្ស័យ បានធ្វើសកម្មភាពឆក់កាបូបជនរបទេស  និងបានធ្វើការឃាត់ខ្លួនព្រមទាំង
ដកហូតវត្ថុតាង ម៉ូតូមួយគ្រឿងម៉ាក ហុងដា ឌ្រីម សេរីឆ្នាំ ២០២២ ស្លាកលេខ ស្វាយរៀង 1S-4669ផងដែរ។

បច្ចុប្បន្នជនសង្ស័យ សមត្ថកិច្ចកំពុងធ្វើការសាកសួរ នៅអធិការដ្ឋាននគរបាលក្រុងបាវិត ដើម្បីចាត់ការបន្ត តាមច្បាប់៕

ដោយ៖សុថាន