ខេត្តពោធិ៍សាត់ ៖ ព័ត៌មានបឋម ៖ គួរអោយរន្ធត់ ហើយមិននឹកស្មានដល់ ចំពោះគ្រោះថ្នាក់ដែលកើតឡើង ដោយចៃដន្យ មើលមិនឃើញ ខណៈនៅ ចំណុចភ្នំខ្មោច ក្មេងប្រុសវ័យជំទង់ម្នាក់ ត្រូវខ្លាឃ្មុំវាយប្រហារពេលទៅដកគម ក្រវាញក្នុងព្រៃក្បែរជើងភ្នំខ្មោចក្នុងស្រុកវាលវែង ខេត្តពោធិ៍សាត់ ។
ហេតុការណ៍នេះបានកើតឡើងនៅវេលាម៉ោង១ៈ៤៥នាទីរសៀលថ្ងៃទី០៦ ខែវិច្ឆិកា ឆ្នាំ២០២៣ ត្រង់ចំណុចដំណាក់ត្រឡាច ជាប់ជើងភ្នំខ្មោច ស្ថិតក្នុងភូមិឈើទាលជ្រំឃុំប្រមោយ ស្រុកវាលវែងខេត្តពោធិ៍សាត់។
ចំពោះព័ត៌មានលម្អិតពីអត្តសញ្ញាណក្មេងប្រុសវ័យជំទង់រងគ្រោះនៅមិនទាន់ទទួលបានព័ត៌មាន ហើយរបួសដល់កម្រិតណានោះក៏មិនទាន់ទទួលរបាយការណ៍ពីសមត្ថកិច្ចនៅឡើយ ។
សូមមានការប្រុងប្រយ័ត្ន ការដើរក្នុងព្រៃជ្រៅ ព្រៃភ្នំ ។ ចំពោះព័ត៌មានលម្អិតយើងនឹងចុះផ្សព្វផ្សាយនៅពេលក្រោយ ៕ដោយ ៖ សហការី
