ភ្នំពេញ៖ នៅព្រឹកថ្ងៃទី០៨ ខែធ្នូឆ្នាំ ២០២៣ នេះអាជ្ញាធរខណ្ឌដូនពេញបានធ្វើការអញ្ជើញស្ត្រីម្នាក់ដែលធ្វើសកម្មភាពចាប់សត្វព្រាបនៅសួនមុខព្រះបរមរាជវាំងដាក់ក្នុងទ្រង់ ធ្វើការអប់រំណែនាំនិងធ្វើកិច្ចសន្យា មិនឲ្យមានសកម្មបែបនេះទៀតឡើយ។ ក្នុងមិនរាងចាលនោះអាជ្ញាធរនឹងលែងឲ្យលក់សត្វចាបនៅទីតាំងបន្តទៀតនោះទេ។
ក្រោយអាជ្ញាធរធ្វើការអប់រំណែនាំរួចស្ត្រីចំណាស់ម្នាក់នោះបានធ្វើការសុំទោសដល់សាធារណៈជននិងធ្វើការសន្យាមិនឲ្យមានលើកក្រោយទៀតនោះទេ។ការចាប់សត្វព្រាបនេះមិនមែនយកទៅធ្វើម្ហូបនោះទេគឺដោយមានម៉ូយកម្មង់សត្វព្រាប ចំនួនពីរក្បាលនិងឲ្យលុយគាត់ចំនួន ២ម៉ឺនរៀលដើម្បីយកទៅព្រលែង។
បន្ថែមទៀតនោះអាជ្ញាធរខណ្ឌដូនពេញបានចុះមកដល់ទីតាំងសួនមុខព្រះបរមរាជវាំងធ្វើការអប់រំណែនាំដល់អ្នកប្រកបអាជីវកម្មលក់សត្វចាបនិងលក់ផ្កា ឲ្យចូលរួមថែរក្សាបរិស្ថានអនាម័យទាំងអស់គ្នា និងមិនឲ្យមានសកម្មភាពធ្វើការចាប់សត្វព្រាបដូចអ៊ំស្រីម្នាក់នោះឡើយ។
គួរបញ្ចាក់ផងដែរ សកម្មភាព ស្រ្តីចំណាស់ម្នាក់ចាប់សត្វព្រាបនោះបានកើតឡើងកាលពីវេលាម៉ោង ០២រសៀល ថ្ងៃទី០៧ ខែធ្នូ ឆ្នាំ២០២៣នេះ នៅចំណុចសួនច្បារមាត់ទន្លេ មុនព្រះបរមរាជវាំង មូលដ្ឋានខណ្ឌដូនពេញ រាជធានីភ្នំពេញ។ យោងតាម បណ្ដាញសង្គម បានបង្ហោះវីដេអូ មួយឃ្លីប បានលើកឡើងថា វាពិតជារឿងដែលគួរឲ្យហួស ចិត្ត និង ទង្វើរបស់ អ៊ុំស្រីម្នាក់ ជាអ្នកប្រកបរបរ លក់សត្វចាប (រស់) ដែលស្ត្រីវ័យចំណាស់ បានធ្វើសកម្មភាព បាចចំនី រួចចាប់ សត្វព្រាបជាច្រើនក្បាល យកទៅដាក់ក្នុង ទ្រុងដាក់សត្វចាបទៅវិញ៕
ដោយ ៖រ៉ារ៉ា
