ក្រុមបាល់ទាត់Gironaដែលកំពុងតែឡើងជើងខ្លាំងក្នុងរដូវកាលនេះកំពុងតែបង្ករការផ្ញាក់ផ្អើលយ៉ាងខ្លាំងបន្ទាប់ពីពួកគេយកឈ្នះលើក្រុមយក្ស Barcelonaដល់ក្នុងទឹកដីរហូតដល់ទៅ ៤ទល់នឹង២។

ជ័យជម្នះនេះ បានធ្វើឲ្យក្រុមGirona ឡើងមកឈរលើកំពូលតារាងមាន៤១ពិន្ទុក្នុងចំណោម១៦ប្រកួតឈរលើក្រុមលេខ២Real Madrid ចំនួន២ពិន្ទុ ចំណែកក្រុមBarcelona ឈរលេខរៀងទី៤តាមពីក្រោយក្រុមGirona រហូតដល់ទៅ៧ពិន្ទូ។

៤គ្រាប់ដែលកើតចេញពីកីឡាករ Artem Dovbyk, Miguel Gutierrez, Valery Fernandezនិង Cristhian Stuani របស់ក្រុម Gironaគឺជាជ័យជម្នះដំបូងបង្អស់របស់ពួកគេក្នុងចំណោមប្រវត្តិជួបគ្នាកន្លងមក។

ចំណែកការប្រកួតរវាងក្រុម Granada និងAthletic Bilbao ត្រូវបានផ្អាកកាលពីថ្ងៃអាទិត្យដោយសារតែមានអ្នកគាំទ្រ Granada ម្នាក់បានស្លាប់ដោយសារគាំងបេះដូងនៅនាទីទី១៧ពេលក្រុមAthletic Bilbao បាននាំមុខមុន ដោយកីឡាករ Inaki Williams នៅនាទីទី១៦។ ការប្រកួតរវាងក្រុមទាំង២នេះនឹងបន្តឡើងវិញនៅថ្ងៃច័ន្ទនេះហើយ។