ភ្នំពេញ : នាថ្ងៃទី១៧ ខែធ្នូ ឆ្នាំ២០២៣ លោកបណ្ឌិត សោម ចិន តំណាងរាស្ត្រមណ្ឌលខេត្តកំពត អនុប្រធានគណៈកម្មការទី៨ នៃរដ្ឋសភា និងជាប្រធានក្លិបកីឡាប៊ូល និងប៉េតង់សន្តិភាព បានអញ្ជើញចូលរួមក្នុងពិធីបើកការប្រកួតកីឡាប៊ូល និងប៉េតង់វ័យចាស់ពានរង្វាន់​ លោកបណ្ឌិត សោម ចិន ក្រោមអធិបតីភាព​ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសសហព័ន្ធកីឡាប៊ូល និងប៉េតង់កម្ពុជា នាទីលានប៊ូល និងប៉េតង់ ក្នុងពហុកីឡាដ្ឋានជាតិអូឡាំពិច។

សូមបញ្ជាក់ថា : ពិធីនេះ​ មានការអញ្ជើញចូលរួមពីសំណាក់ លោកបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប​ លោក នួន ផារ័ត្ន អភិបាលរងនៃគណៈអភិបាលរាជធានីភ្នំពេញ​ លោក ឆាយ សឿន គណៈកម្មការរៀបចំការប្រកួត និងមានកីឡាករវ័យចំណាស់ ចំនួន២៤ក្រុម ចូលរួមផងដែរ៕

ដោយប: សហការី