ភ្នំពេញ៖ បុរសម្នាក់ដោយសារតែសតិមិនល្អបានប្រេីហិង្សាដោយបោកចាននិងកែវក្នុងផ្ទះបណ្តាលឱ្យរងរបួសខ្លួនឯងត្រូវបានកងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យដេីម្បីសង្គ្រោះ។
ជនរងគ្រោះឈ្មោះ ហេង ចិត្រា ភេទប្រុស អាយុ៣១ឆ្នាំ ស្នាក់នៅកន្លែងកេីតហេតុ។ ហេតុការណ៍នេះបានកេីតឡេីងកាលពីវេលាម៉ោង០៥និង០៥នាទីល្ងាច ថ្ងៃទី១៨ ខែធ្នូ ឆ្នាំ២០២៣ តាមផ្លូវជាតិលេខ៣ បុរីពិភពថ្មី១ ក្នុងភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។
តាមប្រភពព័ត៌មានឱ្យដឹងថា ជនរងគ្រោះមានសតិមិនល្ពជាយូរមកហេីយ លុះមកដល់វេលាកេីតហេតុជំងឺរេីឡេីងក៏បានទាញចាននិងកែវបោកនៅក្នុងផ្ទះបណ្តាលឱ្យបែកមុតប្រអប់ដៃរងរបួស។
ក្រោយកេីតហេតុជនរងគ្រោះត្រូវបានកងសង្គ្រោះបន្ទាន់៧១១កងពលតូចលេខ៧០ ដឹកបញ្ជូនទៅព្យាបាលនៅមន្ទីរពេទ្យមិត្តភាពខ្មែរ-សូវៀត៕ដោយ៖សុខាសែនជ័យ
...
