ខេត្តស្វាយរៀង: យ៉ាងហោចណាស់ក៏មានមនុស្សស្លាប់២នាក់របួសធ្ងន់ស្រាល៣នាក់ដោយគ្រោះថ្នាក់ចរាចរណ៍២កន្លែងក្នុងខេត្តស្វាយរៀង។

យោងតាមសមត្ថកិច្ចនគរបាលបានអោយដឹងថាករណីទី១បានកើតឡើងកាលពីថ្ងៃទី ១៩ ខែ ធ្នូ ឆ្នាំ ២០២៣ វេលាម៉ោង០៧និង១៥នាទី នៅលើផ្លូវលេខ316A ស្ថិតក្នុងភូមិព្រៃគគីរ ស្រុកចន្ទ្រា មានម៉ូតូ មួយគ្រឿងម៉ាកហុងដា សេ១២៥ ឆ្នាំ២០១៩ ពណ៌ខ្មៅ ពាក់ស្លាកលេខស្វាយរៀង 1N.4360 បើកបដោយ ឈ្មោះ រឿន សំណាង ភេទប្រុសអាយុ ១៣ឆ្នាំមុខរបរសិស្ស មានទីលំនៅបច្ចុប្បន្នភូមិព្រៃអង្គុញ សង្កាត់ព្រៃអង្គុញ ក្រុងបាវិត ខេត្តស្វាយរៀង
ធ្វើដំណើរទិសដៅពីលិចទៅកើតស្រាប់តែមានម៉ូតូមួយគ្រឿង ម៉ាក  សូនិក ពណ៍ខ្មៅ លាយក្រហម
គ្មានស្លាកលេខ បើកបរ ឈ្មោះ មុំ ប្រុស ភេទប្រុសអាយុ ២៥ឆ្នាំកម្មករ រោងចក្រ មានទីលំនៅភូមិត្រពាំងធ្លកឃុំច្រេស ស្រុកចន្រ្ទា ខេត្តស្វាយរៀង វ៉ាជែង ល្បឿនលឿនខ្វះការប្រុងប្រយ័ត្ន បុកបញ្ច្រាស់គ្នាយ៉ាងពេញទំហឹងបណ្ដាលអោយឈ្មោះរឿន សំណាង ស្លាប់នឹងកន្លែងកើតហេតុតែម្ដង។

ក្រោយមកសាកសពកម្លាំងជំនាញបានប្រគល់ជួនក្រុមគ្រួសារយកទៅធ្វើបុណ្យ តាមប្រពៃណីទាំងក្ដុកក្ដួលបំផុត។

ករណីទី២បានកើតឡើង  កាលពីថ្ងៃទី ១៨ ខែ ធ្នូ ឆ្នាំ ២០២៣ វេលាម៉ោង៧និង៥៧ នាទី យប់ លើផ្លូវជាតិលេខ១ ចន្លោះគីឡូម៉ែត្រលេខ ១៦៦-១៦៧ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង មាន ម៉ូតូម៉ាក HONDA C125 ពណ៌ខ្មៅ ពាក់ស្លាកលេខ ភ្នំពេញ 1KM-2247 បើកបរដោយឈ្មោះ អា តាំ ភេទ ប្រុស អាយុ ១៨ ឆ្នាំ ជនជាតិខ្មែរ មុខរបរបុគ្គលិកកាស៊ីណូ មានទីលំនៅក្នុងភូមិបឹងកន្ទឹម ឃុំជើងដែក ស្រុកកំពង់ត្របែក ខេត្តព្រៃវែងនិង អ្នករួមដំណើរឈ្មោះ ឃុន កា ភេទ ប្រុស អាយុ ១៨ ឆ្នាំ ជនជាតិខ្មែរ មុខរបរបុគ្គលិកកាស៊ីណូ មានទីលំនៅក្នុងភូមិបឹងកន្ទឹម ឃុំជើងដែក ស្រុកកំពង់ត្របែក ខេត្តព្រៃវែង ដោយធ្វើដំណើរ ពីកើតទៅលិច ស្រាប់តែមាន ម៉ូតូ មួយគ្រឿង ម៉ាក SH mode ព៌ណខ្មៅ ពាក់ស្លាកលេខវៀតណាម 67-B1.326.79 អ្នកបើកបរមិនស្គាល់អត្តសញ្ញាណ ភេទ ប្រុស ជនជាតិវៀតណាម បើកបរពីកើតទៅលិច
ក៏បុកគ្នាយ៉ាងពេញទំហឹង បណ្ដាលអោយបុរសខាងលើ ស្លាប់ពេលដឹកទៅដល់មន្ទីរពេទ្យបង្អែកជីភូ។

សមត្ថកិច្ចបញ្ជាក់ មូលហេតុ បណ្ដាលមកពី ម៉ូតូពាក់ស្លាកលេខវៀតណាម 67-B1.326.79 បើកបរប្រើប្រាស់ល្បឿនលឿនខ្វះការប្រុងប្រយ័ត្ន ៕

ដោយ៖សុថាន