ភ្នំពេញ៖ ចាប់ពីថ្ងៃរសៀលថ្ងៃទី៩-១០ ខែកក្កដា ឆ្នាំ២០១៦ ប្រទេសកម្ពុជា បានធ្វើជាម្ចាស់ផ្ទះ ក្នុងព្រឹត្តិការណ៍ប្រកួតបាល់ទាត់ដណ្តើមពានរង្វាន់ AFF U16 ក្នុងពូលA ក្នុងនោះការប្រកួតថៃ្ងទី៩ ខែ កក្កដាក្រុមបាល់ទាត់យុវជនក្រោមអាយុ ១៦ឆ្នាំអូស្ត្រាលីរកបានតែ១ពិន្ទុប៉ុណ្ណោះពេលប្រកួតស្មើជាមួយក្រុមមីយ៉ាន់ម៉ា អាយុក្រោម១៦ឆ្នាំ ដោយលទ្ធផល ១-១ នៅលើទីលានស្តាតចាស់ ។

ក្នុងការប្រកួតដណ្តើមពានរង្វាន់យុវជនតំបន់អាស៊ាន AFF Smart U16 Championship 2016ដដែលនេះដែរ សម្រាប់ថ្ងៃ ទី១០ ខែកក្កដា នៅពហុកីឡដ្ឋានជាតិ ក្រុមU16 សិង្ហបុរី និង U16 វៀតណាម រកបាន៣ពិន្ទុដូចគ្នា ដោយក្រុមសិង្ហបុរីយក ឈ្នះក្រុមហ្វីលីពីន ៣-១ ចំណែកក្រុម U16 វៀតណាមយកឈ្នះក្រុម U16 ម៉ាឡេស៊ី ៣-០ សម្រាប់ ពូលA នៅលើទឹកដីកម្ពុជា៕

ដោយ៖ សារីម