ភ្នំពេញ៖ កម្លាំងសមត្ថកិច្ចជំនាញ​ នាយកដ្ឋាន​នគរបាល​បង្ការ​ពន្លត់​អគ្គីភ័យ​ និងសង្រ្គោះ​ នៃអគ្គស្នងការដ្ឋាននគរបាលជាតិ​ នៅរសៀលថ្ងៃទី០២​ ខែមករា​ ឆ្នាំ​២០២៣នេះ​ បានឱ្យដឹងថា​ មានករណីអគ្គីភ័យមួយ​ បានឆាបឆេះ​បន្ទប់​ឡៅតឿ​ក្នុង​ផ្ទះ​ល្វែង​មួយ​កន្លែង​តាមបណ្តោយផ្លូវម៉ៅសេងទុង ស្ថិត​នៅ​សង្កាត់​ទំនប់​ទឹក​ ខណ្ឌ​បឹង​កេង​កង​ ភ្លាម​នោះ​កម្លាំងជំនាញ​ បានចេញរថយន្តពន្លត់​អគ្គីភ័យ​ជាច្រើន​គ្រឿង​ ជួយអន្តរាគមន៍បាញ់​ពន្លត់​ទាន់ពេលវេលា​។

ហេតុការណ៍​ខាងលេីនេះ​ បានកេីតឡេីង​នៅវេលាម៉ោង១រសៀលថ្ងៃទី២ ខែមករា ឆ្នាំ២០២៤ នៅចំណុចផ្ទះលេខ ២៦៨E0 តាមបណ្តោយផ្លូវម៉ៅសេងទុង កែងផ្លូវលេខ ១៩៩ ភូមិ០៤ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។

សមត្ថកិច្ចជំនាញ​ បានឱ្យដឹងថា ម្ចាស់ទីតាំង ឆេង ឆេងអាង ភេទប្រុស អាយុ៣៤ឆ្នាំ ជនជាតិខ្មែរ មុខរបរអាជីវករ។ សមត្ថកិច្ចបន្តថា មូលហេតុ៖ ឆ្លងចរន្តអគ្គិសនី។ ប្រភេទសំណង់ ដែកប្រក់ស័ង្កសី ទំហំ០៤ម៉ែត្រx ១០ម៉ែត្រ។ ខូចខាតសម្ភារៈ ឆេះបន្ទប់ទំហំ ០៣ម៉ែត្រx០៤ម៉ែត្រ ចំនួន ០១បន្ទប់ រួមមាន៖​ ម៉ាស៊ីនត្រជាក់ចំនួន ០១គ្រឿងនិងពុំបានឆេះរាលដាលដល់អ្នកក្បែរខាងឡើយ។

ក្នុងកិច្ចអន្តរាគមន៍សមត្ថកិច្ចប្រើប្រាស់រថយន្តការិយាល័យអគ្គិភ័យ ចំនួន ០៣គ្រឿង ប្រើប្រាស់ទឹកអស់ចំនួន ០១ឡាន ស្មើរនឹង ០៤ម៉ែត្រគូប ៕

ដោយ​៖តារា​