កីឡាករ Lee Kang-in និង Kylian Mbappe បានស៊ុតបាល់បញ្ចូលទីដ៏ល្អ ខណៈដែលក្រុម Paris Saint-Germain បានបំបែកកំណត់ត្រាបន្ថែមពានរង្វាន់ Trophee des Champions ជាលើកទី១២ជាមួយនឹងជ័យជម្នះ ២ទល់០ លើក្រុម Toulouse នៅParc des Princes។ កីឡាករ Lee Kang-in បានបើកការស៊ុតបញ្ចូលទីនាំមុខ បន្ទាប់ពីលេងបានត្រឹមតែ៣នាទី។ នេះជាពានរង្វានើដំបូងបង្អស់របស់លោក Luis Enrique ដែលទទួលបន្ទុកដឹកនាំនៅ PSG។

 PSG ត្រូវការពេលតិចជាង៣នាទីដើម្បីបើកការស៊ុតបញ្ចូលទីនៅកីឡដ្ឋាន Parc des Princes ហើយធ្វើដូច្នេះតាមស្ទីល ដោយLee បានទាត់បាល់បញ្ចូលទីពីការបញ្ជូនរបស់ Ousmane Dembele។ ក្រុម Toulouse ព្យាយាម សម្រុក ផងដែរ ដោយកីឡាករThijs Dallinga មានឱកាសដែល ធ្វើ ឱ្យ ក្រុម PSG មានការព្រួយបារម្ភ តិចតួច ក្នុង ការ ប្រកួត នេះ។

 ក្នុងនាទីទី៤៤ Mbappe សម្រេចរកគ្រាប់បាល់ទី២ពីការស៊ុតពីចម្ងាយ ដោយបានផុតជើងខ្សែការពារ៣នាក់ផុតដៃអ្នកចូលទីបានសម្រេច។ ចូលដល់តង់ទី២ Toulouse មានភាពល្អជាង ប៉ុន្តែមិនអាចប្រែក្លាយវាទៅជាគ្រាប់បាល់បានទេ ដោយមាន PSG ព្យាយាមគ្រប់គ្រងការប្រកួត ហើយស្ទើរតែរកបានមួយគ្រាប់ទី៣ នៅពេលដែល Achraf Hakimi បានវាយបកពីការទាត់បាល់ហ្វ្រីឃីកពីចម្ងាយ។

 នេះគឺជាកំណត់ត្រាឈ្នះពាន Trophee des Champions លើកទី១២ របស់ PSG ហើយពួកគេនឹងសង្ឃឹមជាលើកទី១ក្នុងចំណោមពានរង្វាន់ជាច្រើនដែលក្រុមឈ្នះនៅរដូវកាលនេះ។ ក្រុម PSG មាន៥ពិន្ទុដាច់លើកំពូលតារាង Ligue 1 នឹងប្រកួតជាមួយក្រុម Real Sociedad ក្នុងការប្រកួត UEFA Champions League វគ្គ១៦ក្រុមចុងក្រោយ ហើយចាប់ផ្តើមយុទ្ធនាការCoupe de France របស់ពួកគេជាមួយនឹងក្រុម Revel លំដាប់ទី៦នៅថ្ងៃអាទិត្យនេះ ៕ (រូបភាព ៖ eurosport.com)