ខេត្តក្រចេះ ៖ មានការភ្ញាក់ផ្អើលដល់មហាជននឹងសមត្ថកិច្ច ដោយសារ ឆេះរថយន្តទាំងកណ្តាលយប់នៅក្រុងក្រចេះ ខេត្តក្រចេះ ខណះចតនៅមុខផ្ទះសោះ។

ហេតុការខាងលើកើតឡើងកាលពីយប់ថ្ងៃទី៥ ខែមករា ឆ្នាំ២០២៤ ។
ចំពោះករណីនេះសមត្ថកិច្ចមិនទាន់កំណត់ពីមូលហេតុពិតប្រាកដបាននៅឡើយទេ គឺកំពុងតែតាមដាននិងស្រាវជ្រាវតាមបច្ចេកទេសជំនាញ ដើម្បីអោយដឹងពីមូលហេតុពិត ។

ទ្បានឆេះ ម៉ាកកូរ៉ូទ្បា ផលិតស៊េរីឆ្នាំ៩៣ ពណ៌ឈាមជ្រូក ស្លាកលេខភ្នំពេញ 2E-8286 កម្មសិទ្ឋរបស់ ឈ្មោះ ទូច សុខ ហេន ភេទប្រុស អាយុ ៤០ឆ្នាំ ។

កម្លាំងនគរបាលបានប្រើប្រាស់ឡានទឹកចំនួន ០២គ្រឿង របស់ស្នងការដ្ឋាន ០១គ្រឿង និងរបស់អធិការក្រុង ០១គ្រឿង ដោយបាញ់ទឹកអស់ចំនួន ០១រថយន្ដទើប រលត់ទាំងស្រុងនៅវេលាម៉ោង ១២.៤៦នាទី រំលងអាធ្រាតឈានចូលថ្ងៃទី៦ ខែមករា ឆ្នាំ២០២៤ ។ ចំពោះសំភារះខូចខាតក្រៅពីរថយន្ត សមត្ថកិច្ចមិនទាន់បញ្ជាក់ជូនជារបាយការណ៍នៅឡើយ ៕

ដោយ ៖ សិលា