ភ្នំពេញ ៖ ថ្ងៃនេះមានករណី២ រឿងគ្រោះថ្នាក់ចរាចរណ៍រថភ្លើង ស្រុកក្រគរ ខេត្តពោធិ៍សាត់ ១ករណី នៅខណ្ឌសែន រាជធានីភ្នំពេញ ១ករណី ។
រថយន្តឡង់គ្រីស្ស័រប្រាដូជួបថ្ងៃស៊យត្រូវរថភ្លើងបើកបុកពេញទំហឹង បណ្តាលឱ្យធ្លាក់ផ្លូវរងការខូចខាតយ៉ាងដំណំ ខណៈពេលបើកឆ្លងផ្លូវដែកមិនប្រុងប្រយ័ត្នស្របពេលរថភ្លើងមកដល់ ។ នេះចាត់ទុក ជាសំណាងហើយ ពុំបណ្តាលឱ្យអ្នកបើកបររថយន្តរងរបួស ។ ហេតុការណ៍នេះ បានកើតឡើង កាលពីវេលាម៉ោងប្រមាណ១០និង៣០នាទីព្រឹក ថ្ងៃទី០៦ ខែមករា ឆ្នាំ ២០២៤ នៅចំណុចផ្លូវលំឆ្លងផ្លូវដែកមុខយានដ្ឋានដេយ៍លីអូតូ ក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
តាមព័ត៌មានបានឱ្យដឹងថា ៖ នៅមុនពេលកើតហេតុរថយន្តបានបើក ចេញពីយានដ្ឋានខាងលើ ដើម្បីឆ្លងផ្លូវដែក ខណៈនោះក៏បានវ៉ាក់នឹងរថយន្តម៉ាកហ៊ីយ៉ាន់ដាយមួយគ្រឿង ដែលបើកពីមុខ ស្របពេលនោះមានរថភ្លើងមួយខ្សែចេញពីរាជធានីភ្នំពេញហើយអ្នក បើកបរក៏បានបើកថយក្រោយវិញ តែមិនទាន់ត្រូវរថភ្លើងបុកចំក្បាលពេញទំហឹងតែម្តង ។
រថយន្តដែលបានជួបគ្រោះថ្នាក់នោះ រថយន្ត ម៉ាកឡង់គ្រីស្ស័រប្រាដូ ពណ៌ស ពាក់ស្លាកលេខ ភ្នំពេញ២BH.១៥១៨ បើកបរដោយបុរសម្នាក់មិនស្គាល់អត្តសញ្ញាណ បានរងការខូចខាតខ្ទេចមុខផ្នែកខាងឆ្វេង សំណងល្អដែលមិនបណ្តាលអោយគ្រោះថ្នាក់ ៕
ដោយ ៖ សិលា
