ភ្នំពេញ ៖ ការប្រជែងជ្រើសរើសគ្រូបង្រៀន ឯកទេសអប់រំកាយ និងកីឡា ឆ្នាំ២០២៣ ឱ្យចូលបម្រើការងារក្នុងក្របខណ្ឌក្រសួងអប់រំ យុវជន និងកីឡានឹងត្រូវប្រព្រឹត្តទៅក្រោមប្រភេទវិញ្ញាសាចំនួន២គឺប្រភេទវិញ្ញាសាសរសេរ និងប្រភេទវិញ្ញាសាអនុវត្តន៍កីឡា។ នេះជាការបញ្ជាក់ពី ក្រសួងមុខងារសាធារណះ នៅរសៀលថ្ងៃទី២៦ ខែមករា ឆ្នាំ២០២៤ ។
ក្រសួងមុខងារសាធារណះ បានលម្អិតថា ៖ សម្រាប់ប្រភេទវិញ្ញាសាអនុវត្តន៍កីឡា នឹងត្រូវប្រព្រឹត្តទៅចាប់ពីថ្ងៃទី២៩ ខែមករា ឆ្នាំ២០២៤ និងថ្ងៃបន្តបន្ទាប់ នៅវិទ្យាស្ថានជាតិអប់រំកាយ និងកីឡា។
ប្រភេទវិញ្ញាសាអនុវត្តន៍កីឡាមាន ៣វិញ្ញាសា ដូចខាងក្រោម៖
១. អនុវត្តវិញ្ញាសាចោលដុំដែក ទម្ងន់៥គីឡូក្រាម សម្រាប់បុរស និងទម្ងន់៣គីឡូក្រាម សម្រាប់នារី
២. អនុវត្តវិញ្ញាសាលោតចម្ងាយ បុរស-នារី
៣. អនុវត្តវិញ្ញាសារត់ល្បឿន ១០០ម៉ែត្រ សម្រាប់បុរស និង៨០ម៉ែត្រ សម្រាប់នារី ៕
...
ដោយ ៖ សិលា
