ភ្នំពេញ៖​ សិស្សសាលាម្នាក់បានរងរបួសធ្ងន់ត្រូវបាន

កងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យភ្លាមៗបន្ទាប់ពីជិះម៉ូតូលឿនមិនប្រយ័ត្នជ្រុលបុករ៉ឺម៉កកង់បីពីក្រោយរួចខ្ទាតទប៉ះរថយន្តមួយគ្រឿងទៀត។

ហេតុការណ៍នេះបានកេីតឡេីងកាលពីវេលាម៉ោង១១និង១០នាទីព្រឹក ថ្ងៃទី២៨ ខែមករា ឆ្នាំ២០២៤ នៅតាមផ្លូវជាតិលេខ៤ ភូមិត្រពាំងទួល សង្កាត់កំបូល ខណ្ឌកំបូល ។

ជនរងគ្រោះឈ្មោះ សោម សែនសក្កា ភេទប្រុស អាយុ១៦ឆ្នាំ មានទីលំនៅភូមិកន្ទោកជើង សង្កាត់កន្ទោក ខណ្ឌកំបូល ។
ម៉ូតូជនរងគ្រោះម៉ាកស្កូបពីពណ៌ក្រហម​ ពាក់ស្លាកលេខភ្នំពេញ1JA0133 ចំណែករថយន្តម៉ាកព្រូសពណ៌ទឹកប្រាក់​ ពាក់ស្លាកលេខភ្នំពេញ2 AR 5198 ។

តាមប្រភពព័ត៌មានបានឱ្យដឹងថា​ មុនពេលកេីតហេតុគេបានឃេីញរ៉ឺនិងរថយន្តធ្វេីដំណេីរតាមបណ្តោយផ្លូវជាតិលេខ៤​ ក្នុងទិសដៅពីកេីតទៅលិចខណៈមកដល់ចំណុចកេីតហេតុស្រាប់តែមានយុវជនម្នាក់ជិះម៉ូតូលឿនមកពីក្រោយជ្រុលបុករ៉ឺម៉កកង់បីរួចខ្ទាតទៅប៉ះរថយន្តមួយគ្រឿងទៀតបណ្តាលឱ្យរងធ្ងន់។

ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យកុមាជាតិ តាមការស្នើសុំពីក្រុមគ្រួសារ។
ចំណែកយានយន្តត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕ដោយ៖សុខាសែនជ័យ