ភ្នំពេញ ៖ គណៈកម្មការប្រឡងប្រជែងជ្រើសរើសនិស្សិតអាហារូបករណ៍ប្រចាំឆ្នាំឱ្យចូលសិក្សាថ្នាក់បរិញ្ញាបត្រវិទ្យាសាស្ត្រ នគរបាលនៃក្រសួងមហាផ្ទៃ សូមជូនដំណឹងបេក្ខជនទាំងពីរភេទអំពីលទ្ធផលប្រឡង ប្រជែងជ្រើសរើសនិស្សិតអាហារូបករណ៍ឱ្យចូលសិក្សាថ្នាក់បរិញ្ញាបត្រ វិទ្យាសាស្ត្រនគរបាល ជំនាន់ទី១៥ នៅបណ្ឌិត្យសភានគរបាលកម្ពុជា នាសម័យប្រឡង ថ្ងៃទី២០ ខែមករា ឆ្នាំ២០២៤កន្លងទៅ ។ នេះបើយោងតាមការបញ្ជាក់ពីខាង អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ នៃក្រសួងមហាផ្ទៃ នៅថ្ងៃទី២៩ ខែមករា ឆ្នាំ២០២៤។
ជាមួយគ្នានេះដើម្បីទទួលព័ត៌មានលម្អិតអំពីការសិក្សា សូមអញ្ជើញបេក្ខជនទាំងពីរភេទដែលបានប្រឡងជាប់ជាស្ថាពរមកបង្ហាញខ្លួននៅថ្ងៃទី២ ខែកុម្ភៈ ឆ្នាំ២០២៤ វេលាម៉ោង៨:០០ព្រឹក នៅបណ្ឌិត្យសភានគរបាលកម្ពុជា ស្ថិតក្នុងភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល ផ្លូវជាតិលេខ១ ចម្ងាយ២៦គីឡូម៉ែត្រពីរាជធានីភ្នំពេញ ៕
ដោយ៖ សិលា
