ខេត្តបន្ទាយមានជ័យៈ បុរសម្នាក់ដើរបេះស្លឹកត្រួយអាណោដើម្បីយកទៅលក់ ជាន់ម៉ីនរងរបួសដាច់ជើងម្ខាងនិងម្ខាងទៀតបែកសាច់អស់នៅសល់តែឆ្អឹង នៅថ្ងៃទី៩ ខែកុម្ភៈ ឆ្នាំ២០២៤ នៅភូមិសីលាខ្មែរ ឃុំអូរបីជាន់ ស្រុកអូរជ្រៅ ។
សមត្ថកិច្ចឲ្យដឹងថា ជនរងគ្រោះមានឈ្មោះ វ៉ាន់ កំសត់ ភេទប្រុស អាយុ៣៥ឆ្នាំ បានដើរចូលទៅរកបេះស្លឹកត្រួយអាណោនៅក្នុងព្រៃ ដើម្បីយកទៅលក់ផ្គត់ផ្គង់ជីវភាពគ្រួសារ ប៉ុន្តែបែជាដើរជាន់ប៉ះគ្រាប់មីនប្រភេទK 59បណ្តាលឱ្យផ្ទុះរងរបួសដាច់ជើងស្តាំ និងជើងឆ្វេងរបួសអស់
សាច់សល់តែឆ្អឹងចាប់ពីកំភួនជើងចុះក្រោម ។ ជនរងគ្រោះត្រូវបានបញ្ជូនទៅមន្ទីរពេទ្យមិត្តភាព
កម្ពុជា ជប៉ុន មង្គលបូរី ដើម្បីជួយសង្រ្គោះ ។ សមត្ថកិច្ចបានអំពាវនាវដល់បងប្អូនប្រជាពលរដ្ឋ
ទាំងអស់ សូមកុំចូលទៅតំបន់ណាដែលមិនដឹងប្រវត្តិច្បាស់លាស់ និងត្រូវសាកសួរអាជ្ញាធរ
មូលដ្ឋានមុនចូលតំបន់នោះ និងសូមកុំប៉ះពាល់នៅពេលឃើញមីន និងគ្រាប់មិនទាន់ផ្ទុះ ហើយត្រូវរាយការណ៍ជាបន្ទាន់ដល់អាជ្ញាធរមានសមត្ថកិច្ច និងប្រតិបត្តិករបោសសម្អាតមីនដែល
នៅជិតទីនោះដើម្បីយកគ្រាប់ទាំងនោះទៅកំទេចចោល៕វណ្ណា