ខេត្តស្វាយរៀង: មានករណីគ្រោះថ្នាក់ចរាចរណ៏បង្កដោយ អ្នកបើករថយន្ត ដឹកផ្លែស្វាយសង្ស័យងងុយដេកជ្រុលទៅបុកសួនច្បារសារធារណៈ និងបន្តទៅបុកផ្ទះប្រជាពលរដ្ឋចំនួន៣ខ្នងផ្ទះ និងសម្ភារៈមួយចំនួនផ្អើលទាំងព្រឹកព្រហាម នៅស្រុកកំពង់រោទ៏។

ហេតុការណ៍នេះបានកើតឡើងកាលពីវេលាម៉ោង៤និង៣៥នាទីទាបភ្លឺឈានចូល ថ្ងៃទី១១ ខែកុម្ភៈ ឆ្នាំ២០២៤ លេីផ្លូវជាតិលេខ៣៣៤ ស្ថិតនៅចំណុចភូមិស្វាយអាណាត ឃុំញរ ស្រុកកំពង់រោទិ៍ ខេត្តស្វាយរៀង លេីផ្លូវជាតិលេខ៣៣៤។

យោងកិច្ចនគរបាលស្រុកបានឲ្យដឹងថាអ្នកបើករថយន្ត រងរបួស មានឈ្មោះឈ្មោះ កែន ថុន ភេទប្រុស អាយុ ៣៨ឆ្នាំ មុខរបរអ្នកបើកបរ មានទីលំនៅភូមិសាឡាំ ឃុំពោធិ៍ម្រាល ស្រុកបសេដ្ឋ ខេត្តកំពង់ស្ពឺ ខណះបើក រថយន្តដឹកទំនិញធុងធំ ម៉ាកហុីយិនដាយ ពណ៌ស ពាក់ផ្លាកលេខ ព្រះសីហនុ ៣A -៧៧៤៧។

តាមអ្នកបើករថយន្តឈ្មោះ កែន ថុន បានប្រាប់សមត្ថកិច្ចថាមុនកើតហេតុខ្លួនបើករថយន្តដឹកផ្លែស្វាយមួយគ្រឿង ម៉ាកហុីយិនដាយ ពណ៌ស ពាក់ផ្លាកលេខ ព្រះសីហនុ ៣A -៧៧៤៧ក្នុងទិសដៅ
ពីជើងទៅត្បូង ស្ថិតនៅចំណុចភូមិស្វាយអាណាត ឃុំញរ ស្រុកកំពង់រោទិ៍ ខ្លួនងងុយ ដេកមួយ ផាំង ក៏បានជ្រុល ចង្កូត ទៅបុកសួនច្បារសារធារណៈ និងបន្តទៅបុកផ្ទះប្រជាពលរដ្ឋតែម្ដង។

សមត្ថកិច្ចបញ្ជាក់ថាផ្ទះដែលរងការខូចខាត
ចំនួន៣ខ្នងផ្ទះ និងសំយ៉ាបផ្ទះប្រជាពលរដ្ឋ២ខ្នងផ្ទះ និងសម្ភារ:រួមមាន ម៉ូតូចំនួន ០២គ្រឿង រថយន្ត១គ្រឿង បង្គោលភ្លើង១ដើម ។

ក្រោយមកអ្នកបើកបររងរបួសស្រាល ត្រូវបានបញ្ជូនទៅព្យាបាលនៅមន្ទីរពេទ្យបង្អែកស្រុកស្វាយទាប ចំណែករថយន្តមានការខូចខាតធ្ងន់។

បច្ចុប្បន្ន: រថយន្ត  ត្រូវបានសមត្ថកិច្ច អូសយកយកមករក្សាទុកនៅប៉ុស្តិ៍នគរបាលរដ្ឋបាលឃុំញរ ដេីម្បីដោះស្រាយតាមច្បាប់៕