ភ្នំពេញ៖ យុវតីម្នាក់ជិះម៉ូតូវ៉ាជែងរថយន្តមួយគ្រឿងមិនផុតវ៉ាក់អេីជ្រុលបុករ៉ឺម៉កពីក្រោយបណ្តាលឱ្យរងរបួសត្រូវបាន
កងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យដេីម្បីសង្គ្រោះ។
ហេតុការណ៍នេះបានកេីតឡេីកាលពីវេលាម៉ោង១១និង៣០នាទីព្រឹក ថ្ងៃទី១៣ ខែកុម្ភៈ ឆ្នាំ២០២៤ នៅតាមផ្លូវជាតិលេខ៣ ភូមិអង្គត្រគៀត សង្កាត់កន្ទោក ខណ្ឌកំបូល។
ជនរងគ្រោះ ឈ្មោះ សែម លីនដា ភេទស្រី អាយុ១៧ឆ្នាំ មានស្រុក កំណើតនៅភូមិ ភ្នំបូរី ឃុំព្រែកផ្ទោល ស្រុកអង្គរបូរី ខេត្ត តាកែវ ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញយុវតីម្នាក់ជិះម៉ូតូមួយគ្រឿងធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូងល្បឿនលឿនវ៉ាជែងរថយន្តមួយគ្រឿងមិនប្រយ័ត្នក៏ជ្រុលបុកម៉ូតូសណ្តោងរ៉ឺម៉កពីក្រោយពេញទំហឹងបណ្តាលឱ្យរងរបួសធ្ងន់។
ក្រោយកេីតហេតុជនរងគ្រោះត្រូវបានកងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យព្រះកុសុមៈដេីម្បីសង្គ្រោះ និងបានបញ្ចប់គ្នានៅកន្លែងកេីតហេតុដោយមិនទាមទាសំណងនោះទេ៕ដោយ៖សុខាសែនជ័យ
