គ្រាប់បាល់ដ៏អស្ចារ្យរបស់ Brahim Diaz បានផ្តល់ឱ្យក្រុម Real Madrid នូវជ័យជម្នះជើងទី១នៃការប្រកួត Champions League វគ្គ១៦ក្រុមចុងក្រោយរបស់ពួកគេជាមួយនឹងក្រុមម្ចាស់ផ្ទះ RB Leipzig ក្នុងលទ្ធផល១ទល់០។

 Diaz បាន ស៊ុត បាល់ បញ្ចូល ទី យ៉ាង ល្អ បន្ទាប់ ពី ចប់ តង់ ទី មួយ ដើម្បី ឱ្យ Real ទទួល បាន ជ័យ ជម្នះ លើក្រុម អាល្លឺម៉ង់។ខ្សែបម្រើសញ្ជាតិអេស្ប៉ាញរូបនេះបានចាប់ផ្តើមជំនួសកីឡាករ Jude Bellingham ដែលខកខានការប្រកួតដោយសាររបួស។

 ក្រុមម្ចាស់ផ្ទះ Leipzig បានធ្វើឱ្យ Real ខកចិត្តរហូតដល់នាទីទី៤៨នៅពេលដែលអតីតខ្សែបម្រើរបស់ Manchester City Diaz បានរកគ្រាប់បាល់តែ១គ្រាប់គត់។ ទោះបីជាយ៉ាងណាក៏ដោយ ក្រុមអេស្ប៉ាញមិនអាចបន្ថែមពិន្ទុរបស់ពួកគេបានឡើយ ដោយខិតជិតចប់ការប្រកួតនៅពេលដែល Vinicius Jr បានវាយបកចំគោលដៅ ប៉ុន្តែនៅតែមិនអាចបំប៉ោងសំណាញ់ទីបាន។

 Real ធ្វើជាម្ចាស់ផ្ទះជើងទីពីរនៅ Santiago Bernabeu នៅថ្ងៃទី៦ ខែមីនា។ ម្ចាស់ជើងឯកអឺរ៉ុប១៤សម័យគឺពោរពេញទៅដោយទេពកោសល្យសម្រាប់ការប្រកួតក្របខ័ណ្ឌកំពូលមួយនេះ ប៉ុន្តែក្រុមបានអវត្តមាន Bellingham ដែលបានរងរបួសកជើងក្នុងការទទួលជ័យជម្នះ ៤–០ នៅ La Liga លើ Girona កាលពីថ្ងៃសៅរ៍។

 ខ្សែបម្រើសញ្ជាតិអង់គ្លេសរូបនេះបានស៊ុតបញ្ចូលទី ឬបញ្ជូនបាល់ឱ្យចូលលេងបានទាំង៥ប្រកួតក្នុងក្របខ័ណ្ឌ Champions League របស់គាត់សម្រាប់ក្រុម Real មកទល់ពេលនេះ ហើយបានចូលរួមចំណែកក្នុងការស៊ុតបញ្ចូលទីចំនួន៧គ្រាប់ ច្រើនជាងកីឡាករផ្សេងទៀតនៅក្នុងក្រុម៕ (រូបភាព ៖ BBC Sport)