ខេត្តបាត់ដំបង÷ អគ្គីភ័យបានឆាបឆេះឃ្លាំងផ្ទុកអង្កាមមួយកន្លែងបង្កការភ្ញាក់ផ្អើលដល់សមត្ថកិច្ចចេញជួយអន្តរាគមន៍បាញ់ទឹកពន្លត់នៅវេលាម៉ោង ២០និង០០នាទី ថ្ងៃទី ១៧ ខែ កុម្ភៈ ឆ្នាំ ២០២៤ នៅចំណុចក្រុមទី១៦ ភូមិកសិកម្ម ឃុំតាពូង ស្រុកថ្មគោល ខេត្តបាត់ដំបង ។

ករណីអគ្គិភ័យខាងលើនេះផ្តើមចេញពីការឆេះកញ្ជ្រាំងស្រែហើយរាលដាលដល់ឃ្លាំងអង្កាមទំហំ ១៥ម៉ែត្រ x ១៩ម៉ែត្រ សង់អំពីដែក ដំបូលប្រក់ស័ង្កសី ជញ្ជាំងស័ង្កសី -(ខូចខាតអង្កាមប្រមាណ ៥%) ដែលមានម្ចាស់ឈ្មោះ ប្រុស លីដា ភេទស្រី អាយុ ៣៣ឆ្នាំ រស់នៅភូមិ ឃុំ កើតហេតុខាងលើ  ។

ក្នុងហេតុការណ៍គ្រោះអគ្គីភ័យខាងលើនេះគេសង្គេតឃើញសមត្ថកិច្ចបានចេញរថយន្តអគ្គីភ័យចំនួន ០១គ្រឿងចុះអន្តរាគមន៍ពន្លត់ ដោយប្រើប្រាស់ទឹកអស់ចំនួន ០២ឡាន៕ដោយ÷ចន្ទ លីហ្សា