ភ្នំពេញ៖ ស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី២៥ ខែកុម្ភៈ ឆ្នាំ២០២៤នេះ បានឱ្យដឹងថា កម្លាំងសមត្ថកិច្ចចម្រុះតាមបណ្ដាខណ្ឌក្នុងរាជធានីភ្នំពេញ បានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល នាពេលរាត្រីថ្ងៃទី២៥ កុម្ភៈ ជាលទ្ធផលឃាត់យានយន្តល្មើស ចំនួន៩៨គ្រឿង។
ប្រភពដដែលបន្តថា ក្នុងប្រតិបត្តិការនោះ ក្រោមការអនុវត្តតាមបទបញ្ជាផ្ទាល់ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ តាមបណ្តាអធិការដ្ឋាននគរបាលខណ្ឌ ជាក់ស្ដែងបានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖
ឃាត់យានយន្តល្មើស ចំនួន៩៨គ្រឿង (រថយន្ត ចំនួន៣១គ្រឿង, ម៉ូតូ ចំនួន៦៧គ្រឿង)
១.ល្មើសជាតិស្រវឹង ចំនួន៦៥ គ្រឿង
+កម្រិត ០.២៥ – ០.៣៩ mg/L ចំនួន២៦គ្រឿង
-អ្នកបើកបរម៉ូតូ ចំនួន១៣នាក់
-អ្នកបើកបររថយន្ត ចំនួន១៣នាក់
+កម្រិត ០.៤០ mg/L ឡើង ចំនួន៣៩ គ្រឿង
-អ្នកបើកបរម៉ូតូ ចំនួន២៤នាក់
-អ្នកបើកបររថយន្ត ចំនួន១៥នាក់
២.បទល្មើសផ្សេងៗ ចំនួន៣៣គ្រឿង
-អត់មួកសុវត្ថិភាព ចំនួន២៩នាក់
-រថយន្តគ្មានប័ណ្ណបើកបរ ចំនួន០៣ គ្រឿង
-អ្នកបើកបរម៉ូតូផ្ទុកសារធាតុញៀន ចំនួន០១គ្រឿង
៣.វិធានការអប់រំ ចំនួន ២៦៧នាក់
+ អប់រំអ្នកបេីកបរមានអាល់កុលក្រោម ០.២៥ mg/L ចំនួន១៨៩នាក់
– អ្នកបេីកបររថយន្ត ចំនួន៩២នាក់
– អ្នកបេីកបរម៉ូតូ ចំនួន៩៧នាក់
+ អប់រំអ្នកបេីកបរមិនពាក់មួកសុវត្ថិភាព ចំនួន៧៧នាក់៕
