ភ្នំពេញ៖ ស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី០១ ខែមិនា ឆ្នាំ២០២៤នេះ បានឱ្យដឹងថា កម្លាំងសមត្ថកិច្ចចម្រុះតាមបណ្ដាខណ្ឌ ក្នុងរាជធានីភ្នំពេញ បានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ជាក់ស្ដែងឃាត់យានយន្តល្មើស ចំនួន៩០គ្រឿង នារាត្រីថ្ងៃទី២៩ កុម្ភៈ!
ក្នុងប្រតិបត្តិការនោះ ក្រោមការអនុវត្តតាមបទបញ្ជាផ្ទាល់ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅយប់ថ្ងៃទី២៩ ខែកុម្ភៈ ឆ្នាំ២០២៤ តាមបណ្តាអធិការដ្ឋាននគរបាលខណ្ឌ បានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖
ឃាត់យានយន្តល្មើស ចំនួន៩០គ្រឿង (រថយន្ត ចំនួន៣៥គ្រឿង, ម៉ូតូ ចំនួន៥៥គ្រឿង)
១.ល្មើសជាតិស្រវឹង ចំនួន៦៥គ្រឿង
+កម្រិត ០.២៥ – ០.៣៩ mg/L ចំនួន២៥គ្រឿង
-អ្នកបើកបរម៉ូតូ ចំនួន១២នាក់
-អ្នកបើកបររថយន្ត ចំនួន១៣នាក់
+កម្រិត ០.៤០ mg/L ឡើង ចំនួន៤០គ្រឿង
-អ្នកបើកបរម៉ូតូ ចំនួន២១នាក់
-អ្នកបើកបររថយន្ត ចំនួន១៩នាក់
២.បទល្មើសផ្សេងៗ ចំនួន២៥គ្រឿង
-អត់មួកសុវត្ថិភាព ចំនួន២០នាក់
-ម៉ូតូកែច្នៃបំពងស៊ីម៉ុាង ចំនួន០១នាក់
-ម៉ូតូបើកបរបញ្រ្ចាសទិស ចំនួន០១នាក់
-រថយន្តគ្មានប័ណ្ណបើកបរ ចំនួន០១គ្រឿង
-រថយន្តកែច្នៃបំពងស៊ីម៉ុាង ចំនួន០១នាក់
-អ្នកបើករបរថយន្តមានសារធាតុញៀន ចំនួន០១នាក់៕
