ខេត្តកណ្ដាល៖ នគរបាលក្រុងតាខ្មៅ ឃាត់ខ្លួនជនសង្ស័យ២នាក់ ធ្វើសកម្មភាពឆក់ទ្រព្យសម្បត្តិពលរដ្ឋជិះម៉ូតូតាមដងផ្លូវ ។ករណីនេះ បានកើតឡើងនៅថ្ងៃទី២៨ ខែកុម្ភះ ឆ្នាំ២០២៤ ម៉ោង២២និង៣០ នាទី ចំណុច ៖លើផ្លូវបេតុងភូមិលេខ១(ក)សង្កាត់ស្វាយរលំក្រុងតាខ្មៅ ខេត្តកណ្តាល។

មន្ត្រីនគរបាលក្រុងតាខ្មៅបានឲ្យដឹងថា ជនរងគ្រោះឈ្មោះភា ចាន់លាភ ភេទស្រី អាយុ២៩ឆ្នាំ ជនជាតិខ្មែរ ស្នាក់នៅភូមិលេខកសង្កាត់ស្វាយរលំ ក្រុងតាខ្មៅ ខេត្តកណ្តាល មុខរបរ ÷កម្មការនី។ ចំណែកជនសង្ស័យចំនួន០២ នាក់៖ ១-ឈ្មោះសាញ់ ផានិត ភេទប្រុស អាយុ២៣ ឆ្នាំ ជនជាតិខ្មែរ រស់នៅភូមិ ព្រែកឡុងសង្កាត់រកាខ្ពស់ ក្រុងតាខ្មៅ ខេត្តកណ្តាល មុខរបរ កម្មករ (ឃាត់ខ្លួន)។-មានសារធាតុញៀនក្នុងទឹកនោម(+)។ ២-ឈ្មោះកើត វិឆៃ ភេទប្រុស អាយុ៣១ឆ្នាំ ជនជាតិខ្មែរ រស់នៅភូមិព្រែកម៉ារិញ ឃុំពោធិ៍បាន ស្រុកកោះធំ ខេត្តកណ្តាល មុខរបរ កម្មករ(ឃាត់ខ្លួន)។ វត្ថុតាងចាប់យក៖ ម៉ូតូចំនួន០១គ្រឿងម៉ាកHONDA C125 ពណ៌ ខ្មៅ ផ្លាកលេខ កំពង់ស្ពឺ1C-9488 (របស់ជនសង្ស័យ)។

ប្រភពដដែលបន្តថា មុនពេលកើតហេតុដោយជនរងគ្រោះនិងប្តីបាននាំគ្នាជិះម៉ូតូ១គ្រឿងលើផ្លូវបេតុងភូមិលេខ១ក បំណងទៅផ្ទះជួលនៅភូមិលេខ១ក សង្កាត់ស្វាយរលំ ក្រុងតាខ្មៅ ខេត្តកណ្តាល ស្រាប់តែភ្លាមនោះមានជនសង្ស័យចំនួន០២នាក់ឈ្មោះសាញ់ ផាន់និត ភេទប្រុស អាយុ២៣ឆ្នាំ និងឈ្មោះកើត វិឆៃ ភេទប្រុស អាយុ៣១ឆ្នាំ បានជិះម៉ូតូចំនួន០១គ្រឿងឌុបគ្នាមកដល់ជិតជនរងគ្រោះក៏នាំគ្នាធ្វើសកម្មភាពឆក់ទ្រព្យសម្បត្តិជនរងគ្រោះតែមិនបានសម្រេចក៏នាំគ្នាជិះគេចខ្លួនបាត់។ចំនែកជនរងគ្រោះពីនាក់ប្តីនិងប្រពន្ធក៏នាំគ្នាជិះម៉ូតូឌុបគ្នាមកដល់ផ្ទះជួលរបស់ខ្លួនស្បតែជនសង្ស័យនាំគ្នាជិះម៉ូតូត្រឡប់មកវិញក៏ត្រូវបានជនរងគ្រោះនិងប្រជាពលរដ្ឋនាំគ្នាដេញចាប់បានប្រគល់ជូនសមត្ថកិច្ចប៉ុស្តិ៍ស្វាយរលំយកមកសួរនាំនៅប៉ុស្តិ៍និងកសាងសំណុំរឿងបញ្ជូនមកកាន់អធិការដ្ឋាននគរបាលក្រុងតាខ្មៅចាត់ការតាមនិតិវិធី។

នៅចំពោះមុខសមត្ថកិច្ចជនសង្ស័យទាំងពីរនាក់មិនព្រមសារភាពថាខ្លួនមិនបានប្រព្រឹត្តបទល្មើសប៉ុនប៉ងលួចទ្រព្យសម្បត្តិរបស់ជនរងគ្រោះដូចការចោទប្រកាន់នោះទេខ្លួនគ្រាន់តែជិះម៉ូតូបំណងទៅលេងផ្ទះអ្នកស្គាល់គ្នានៅទីនោះ ប្រាកដមែន ។

បច្ចុបន្បន្ន ជនសង្ស័យបានឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងតាខ្មៅ៕