ភ្នំពេញ៖ បុរសម្នាក់រួមដំណើរជាមួយនិងនារីម្នាក់ទៀតបានបើករថយន្តស៊េរីទំនើបម៉ាក Range Roverពាក់ស្លាកលេខខេមរះភូមិន្ទមួយគ្រឿងក្នុងល្បឿនលឿនមិនប្រយ័ត្នក៏រេចង្កូតទៅបុករបាំងថ្មពុះចែកទ្រូងផ្លូវខូចខាតយ៉ាងដំណំ។

ហេតុការណ៍គ្រោះថ្នាក់ចរាចរណ៍ខាងលើនេះបានកេីតឡេីងកាលពីវេលាម៉ោង១០និង៣០នាទីយប់ថ្ងៃទី០១ខែមិនា ឆ្នាំ២០២៤ លើផ្លូវ២៨៩​ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

ប្រភពពីកន្លែងកើតហេតុបានប្រាប់ឲ្យដឹងថា មុនពេលកើតហេតុគេឃើញរថយន្តស៊េរីទំនើបម៉ាក rangroverពណ៌សមួយគ្រឿងពាក់ស្លាកលេខ ខេមរះភូមិន្ទ 2.8247 បើកបរដោយបុរសម្នាក់រួមដំណើរជាមួយនារីម្នាក់ទៀតធ្វើដំណើរតាមបណ្តោយផ្លូវ២៨៩​ ទិសដៅពីត្បូងមកជើងក្នុងល្បឿនលឿន ខណះពេលបើកមកដល់ចំណុចកើតហេតុនៅនិងស្តុបច្រកចូលផ្សារទួលគោក ស្រាប់តែរេចង្កូតជ្រុលទៅបុករបាំងថ្មពុះចែកទ្រូងផ្លូវពេញទំហឹងបណ្តាលរបាំងថ្មខូចខាតតិចតួច ចំណែករថយន្តបង្កវិញបានបាក់ការឡេកង់មុខចំហៀងខាងឆ្វេងទៅនុខលែងរួចខូចខាតយ៉ាងដំណំ។ រីឯម្ចាស់រថយន្តបង្កបានដោះស្លាកលេខចេញពីរថយន្តហើយគេចពីកន្លែងកើតហេតុបាត់ស្រមោល។

បន្ទាប់ពីកើតហេតុខាងលើសមត្ថកិច្ចមូលដ្ឋានប៉ុស្តិ៍ នគបាលបឹងកក់ទី២បានចុះទៅដល់ពិនិត្យជុំវិញទីតាំងកើតហេតុរួចក៏បានទំនាក់ទំនងទៅមន្ត្រីជំនាញចរាចរណ៍ក្រុងបន្តដើម្បីចុះមកវាស់វែងនិងធ្វើកំណត់ហេតុយករថយន្តបង្កខាងលើទៅរក្សារទុកនៅខាងការិយាល័យចរាចរណ៍ជំនាញផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំឲ្យភាគីម្ចាស់រថយន្តចូលខ្លួនធ្វើការដោះស្រាយគ្នានៅពេលក្រោយ៕ដោយ៖សុខាសែនជ័យ