ខេត្តស្វាយរៀង: បុរសម្នាក់ បើកត្រាក់ទ័រដឹកស្រូវតាមភ្លឺប្រឡាយ ចៃដន្យ រ៉េ ចង្កូតធ្លាក់ប្រឡាយទឹកសង្កត់ខ្លួនឯង បង្កការភ្ញាក់ផ្អើល ដល់អ្នកភូមិនិងក្រុមគ្រួសារជួយសង្គ្រោះជីវិតអកុសលហួសពេលទៅហើយ។
ហេតុការណ៍នេះបានកើតឡើងនៅវេលាម៉ោង១និង៣០នាទីរសៀល ថ្ងៃទី៥ខែមិនាឆ្នាំ២០២៤
ស្ថិតនៅត្រង់ចំណុចភូមិសំយ៉ោង ឃុំ សំយ៉ោង ស្រុកកំពង់រោទិ៍។
យោង តាមសមត្ថកិច្ចនគរបាលស្រុកបានអោយដឹងថាបុរសរងគ្រោះមានឈ្មោះ
សុិន សេដ្ឋ អាយុ៣៦ឆ្នាំមានទីលំនៅភូមិសំយ៉ោង ឃុំ សំយ៉ោង ស្រុកកំពង់រោទិ៍។
តាមអ្នកភូមិបានអោយដឹងថាមុនកើតហេតុគេឃើញបុរសខាងលើបានបើកត្រាក់ទ័រ មួយគ្រឿងដឹកស្រូវ
តាមភ្លឺប្រឡាយ លុះបើក មកដល់កន្លែងកើត
ហេតុ ស្រាប់តែ រ៉េចង្កូតធ្លាក់ប្រឡាយទឹកសង្កត់ខ្លួនឯងបណ្តាលអោយស្លាប់តែម្តង។
ក្រោយមកសមត្ថកិច្ចបានមកដល់កន្លែងកើតហេតុនិងបានពិនិត្យសពដោយសន្និដ្ឋានថាពិតជាស្លាប់ដោយត្រាក់ទ័រសង្កត់ពីលើប្រាកដមែនដោយបុរសរងគ្រោះ បើកបរមានការធ្វេសប្រហែសខ្វះការប្រុងប្រយ័ត្ន។
បន្ទាប់ពីធ្វើកំណត់ហេតុរួចសមត្ថកិច្ចបាន ប្រគល់សពអោយក្រុមគ្រួសារធ្វើបុណ្យតាមប្រពៃណីទាំងក្ដុកក្ដួលបំផុត៕
