ភ្នំពេញ ៖ ចូលដល់ដំណាក់កាលឌីជីថលទៅហើយ អ្នកជំនាញៗនៅតែនាំគ្នាមិនព្រមយល់នូវអ្វីជា «ថ្នាល ឬ Platform» នូវអ្វីជា (កម្មវិធីអនុវត្ត ឬ Application/App)? នេះជាលើកឡើង របស់ លោក អុឹម វុត្ថា ទីប្រឹក្សាក្រសួង ប្រៃសណីយ៍ និង ទូរគមនាគមន៍ នៅថ្ងៃទី១៣ ខែមីនា ឆ្នាំ២០២៤ ។

លោក អុឹម វុត្ថា ទីប្រឹក្សាក្រសួង ប្រៃសណីយ៍ និង ទូរគមនាគមន៍ បានបន្ថែ ថា ៖ ខាងក្រោមនេះ វាជាអ្វីដឺលយើងគួរយល់ដឹង៖

អ្វីទៅជា Platform  ឬ ថ្នាល?

ថ្នាល

អ. Platform

បា. plate-forme

Platform  ឬ ថ្នាល​ សំដៅដល់បណ្តុំនៃបច្ចេកវិទ្យាដែលត្រូវបានប្រើប្រាស់ជាមូលដ្ឋាននៅលើអ្វីដែលបណ្តាកម្មវិធីអនុវត្ត(Applications) បណ្តាដំណើរការ(Processes) ឬបណ្តាបច្ចេកវិទ្យា(Technologies) ត្រូវបានបង្កើត/អភិវឌ្ឍឡើង។​ នៅក្នុងកុំព្យូទ័រ «ថ្នាល» សំដៅដល់ហាដវែរគោល(Computer) និងសុសវែរ(Operating System, Window or MacOS) នៅលើអ្វីដែលសុសវែរកម្មវិធីអនុវត្ត(App) អាចដំណើរការបាន។

ឧ: យូធូប(YouTube) ស្ពតទីហ្វាយ(Spotify) និងប្រព័ន្ធផ្សព្វផ្សាយដទៃទៀត(Medium)…ដូចជា:

ថ្នាលទីផ្សារ(Marketplace platform)គាំពារប្រតិបត្តិការរវាងបណ្តាអ្នកលក់ និងបណ្តាអ្នកទិញជារូបវន្ត ឬទំនិញឌីជីថល មានជាអាទិ៍ អាម៉ាហ្សូន(Amazon) អាលីបាបា(Alibaba) អែតហ្ស៊ី(Atsy)  ក្រិកលីស្ត(Craigslist)…

បណ្តាថ្នាលបណ្តាញសង្គម(Social Network platforms) គាំពារអន្តរកម្មនៃអ្នកប្រើប្រាស់តាមរយៈការចែលរំលែក មាតិការ សារ ឬបង្កើតជាក្រុម។

Application ឬ​ app​ កម្មវិធីកុំព្យូទ័រសម្រាប់សម្រួលដល់អ្នកប្រើប្រាស់ក្នុងការបំពេញការងារជាក់លាក់ណាមួយ តាមរយៈកុំព្យូទ័រ កុំព្យូទ័របន្ទះ(iPad, Tablet)  ទូរសព្ទឆ្លាតវៃ ឬឧបករណ៍ឌីជីថល៕

ដោយ ៖ សិលា