ភ្នំពេញ៖ រ៉ឺម៉កកង់បីដឹកកម្មករសំណង់មួយគ្រឿងរងការខូចខាតខណៈកំពុងធ្វើដំណើរត្រូវរថយន្តកុងតឺន័របើកបត់ឆ្លងផ្លូវគៀរ កាលពីវេលាម៉ោង៨ និង២០នាទីយប់ថ្ងៃទី១៨ ខែកក្កដា ឆ្នាំ២០១៦ នៅចំណុចមុខសាលារៀនអូឌឹមចាស់ តាមបណ្តោផ្លូវជាតិលេខ៤ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ សំណាងមិនធ្វើឲ្យមនុស្សរងរបួស។

តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញរថយន្តកុងតឺន័រមួយគ្រឿ ពណ៌ក្រហម ពាក់ស្លាក់លេខភ្នំពេញ3B-0351 ធ្វើដំណើរតាមបណ្តោយផ្លូវជាតិលេខ៤ក្នុងទិសដៅពីកើតទៅលិចខណៈមកដល់ចំណុចកើតហេតុក៏ទាញចង្កូតបត់ឆ្វេងដោយមិនបានប្រយ័ត្នក៏គៀររ៉ឺម៉កកង់បីដឹកកម្មករសំណង់ដែលធ្វើដំណើរស្របទិសគ្នាបណ្តាលឲ្យរងកាតខូចខាតផ្នែកខាងមុខ តែសំណាងមិនបង្ករបួសដល់មនុស្ស។

ក្រោយពេលកើតហេតុភាគីខាងរថយន្តក៏ចេញថ្លៃជួសជុលទៅភាគីខាងរ៉ឺម៉កកង់បីដើម្បីបញ្ចប់រឿងនៅកន្លែងកើតហេតុ៕

ដោយ៖ សុខាសែនជ័យ