ខ្សែការពារ Sven Botman របស់ក្រុមសារិកាព្រៃ Newcastle United ត្រូវបានគេរំពឹងថា នឹងអវត្តមានពី៦ទៅ៩ខែបន្ទាប់ពីការស្កេនបង្ហាញថា គាត់ត្រូវការវះកាត់របួសជង្គង់។ កីឡាករសញ្ជាតិហូឡង់រូបនេះបានរងរបួសសរសៃពួរមុខរបស់គាត់ក្នុងការបរាជ័យក្នុងការប្រកួត FA Cup កាលពីថ្ងៃសៅរ៍នៅលើទឹកដីក្រុម Manchester City ហើយត្រូវប្តូរចេញនៅចុងម៉ោង។

 ខ្សែការពារកណ្តាលវ័យ២៤ឆ្នាំរូបនេះនឹងត្រូវវះកាត់នៅសប្តាហ៍ក្រោយ។ ក្លិបបានប្រកាសថា “មនុស្សគ្រប់គ្នានៅ Newcastle United សូមជូនពរ Sven ឱ្យជាសះស្បើយពេញលេញ។ វាត្រូវបានសម្រេចចិត្តមិនបញ្ជូន Botman ដើម្បីធ្វើការវះកាត់នៅដំណាក់កាលនោះ ហើយគាត់ទទួលបានកាយសម្បទាពេញលេញឡើងវិញតាមរយៈកម្មវិធីស្តារនីតិសម្បទា” ។

 Botman បានរងរបួសជង្គង់ដំបូងក្នុងខែកញ្ញា ហើយខកខានការប្រកួតចំនួន១៧លើក រួមទាំងការប្រកួតចុងក្រោយចំនួន៥នៃការប្រកួតក្នុងក្រុមសារិកាព្រៃក្នុងពានរង្វាន់ Champions League មុនពេលត្រលប់មកវិញក្នុងខែធ្នូ។

 Botman បានចាប់ផ្តើមការប្រកួតភាគច្រើនរបស់ Newcastle ចាប់តាំងពីការត្រឡប់មកវិញរបស់គាត់ ប៉ុន្តែត្រូវបានដកចេញនៅនាទីទី៨៣នៃការចាញ់ក្រុម Manchester City ២–០ ក្នុងការប្រកួតវគ្គ១/៤ ចុងក្រោយរបស់ពួកគេកាលពីចុងសប្តាហ៍។

 ក្លិប Newcastle បានបន្ថែមថា “បន្ទាប់ពីការវាយតម្លៃបន្ថែម ការស្កេនបានបញ្ជាក់ថាគាត់មានរបួសទៅនឹង ACL របស់គាត់ក្នុងអំឡុងពេលប្រកួតថ្ងៃសៅរ៍ ហើយគាត់ត្រូវបានគេរំពឹងថានឹងត្រលប់មកលេងវិញក្នុងរយៈពេលពី៦ទៅ៩ខែ។ នេះ គឺ ជា ការ រងរបួស រយៈ ពេល យូរ ជា បន្តបន្ទាប់ សម្រាប់ អ្នក ចាត់ ការ ក្រុមលោក Eddie Howe នៅ រដូវ កាល នេះ“។

 អ្នកចាំទីរបស់ក្រុមជម្រើសជាតិអង់គ្លេស Nick Pope បានអវត្តមានតាំងពីខែធ្នូ ដោយសាររបួសស្មា ខណៈដែលខ្សែបម្រើប្រេស៊ីលJoelinton និងខ្សែប្រយុទ្ធក្រុម Three Lions Callum Wilson ក៏ត្រូវអវត្តមានក្នុងរយៈពេលយូរផងដែរ។

 Botman ដែលពីមុនត្រូវបានកោះហៅដោយប្រទេសហូឡង់ ប៉ុន្តែមិនទាន់បានបង្ហាញខ្លួនជាអន្តរជាតិដំបូងរបស់គាត់នឹងបាត់បង់ឱកាសក្នុងការលេងក្នុងវគ្គជម្រុះ Euro 2024 ៕ (រូបភាព ៖ BBC Sport)