ការប្រកួតវគ្គផ្តាច់ព្រ័ត្រ Play-off Euro 2024 បានចប់សព្វគ្រប់ហើយ ដោយរកឃើញ៣ក្រុមដែលមានសិទ្ធិឡើងទៅកាន់ព្រឹត្តិការណ៍នៅប្រទេសអាល្លឺម៉ង់ឆ្នាំនេះ។ ៣ក្រុមបន្ថែមដែលនឹងមានសិទ្ធិលេងនៅយូរ៉ូ២០២៤គឺប៉ូឡូញ(យកឈ្នះវែល), អ៊ុយក្រែន(យកឈ្នះអ៊ីស្លង់) និងហ្សកហ្ស៊ី (យកឈ្នះក្រិក)។
ក្រុមចំនួន១២បានចូលលេងវគ្គ Play-off ដោយផ្អែកលើលទ្ធផលរបស់ពួកគេនៅក្នុង Nations League ឆ្នាំ២០២២–២០២៣។ ក្នុងនោះ ត្រូវ បាន កាត់ បន្ថយ មក ត្រឹម៦ក្រុម បន្ទាប់ ពី វគ្គ ពាក់ កណ្តាល ផ្តាច់ ព្រ័ត្រ Play-off កាល ពី ថ្ងៃ ព្រហស្បតិ៍ និងយក៣ក្រុមដែលបានឈ្នះកាលពីថ្ងៃអង្គារ។
ក្រុមដែលមានកៅអីទៅកាន់ Euro 2024 នៅអាល្លឺម៉ង់ទាំង២៤ប្រទេស ដោយចែកចេញជា៦ពូលរួមមាន៖
ពូល A៖ អាល្លឺម៉ង់, ស្កុតឡេន, ហុងគ្រី, ស្វីស
ពូល B៖ អេស្ប៉ាញ, ក្រូអាត, អ៊ីតាលី, អាល់បានី
ពូល C៖ ស្លូវេនី, ដាណឺម៉ាក, ស៊ែប៊ី, អង់គ្លេស
ពូល D៖ ហូឡង់, អូទ្រីស, បារាំង, ប៉ូឡូញ
ពូល E៖ បែលហ្ស៊ិក, ស្លូវ៉ាគី រូម៉ានី, អ៊ុយក្រែន
ពូល F៖ ទួរគី, ព័រទុយហ្គាល់, សាធារណរដ្ឋឆេក, ហ្សកហ្ស៊ី
ការប្រកួត Euro 2024 នឹងចាប់ផ្តើមជាផ្លូវការនៅអាឡឺម៉ង់នៅថ្ងៃសុក្រ ទី១៤ ខែមិថុនា នៅកីឡដ្ឋាន Allianz Arena ដែលជាផ្ទះរបស់ក្រុម Bayern Munich។ ស្កុតឡេន នឹង ក្លាយ ជា ក្រុម ដែល ត្រូវ ជួប ម្ចាស់ ផ្ទះ ក្នុង ការ ប្រកួត ដំបូង នៃ ការ ប្រកួត។ការប្រកួត នឹង បន្ត រយៈពេល មួយ ខែ ហើយ នឹង បញ្ចប់ នៅ ថ្ងៃ អាទិត្យ ទី១៤ ខែ កក្កដា នៅ Olympiastadion ក្នុង ទីក្រុងBerlin ៕
ដោយ៖ ភារៈ (រូបភាព ៖ UEFA.com)
