នាយរងសេនាធិការការពារជាតិអង់គ្លេសបានសារភាពថា កងទ័ពរបស់ប្រទេសនេះមិនអាចប្រយុទ្ធលើសពី២ខែបានទេ ប្រសិនបើជម្លោះកើតឡើងជាមួយរុស្ស៊ី។

យោងតាម Telegraph បាននិយាយក្នុងកិច្ចប្រជុំនៅគណៈកម្មាធិការ ការពារជាតិកាលពីថ្ងៃទី២៧ ខែមីនា ឧត្តមសេនីយ៍ឯក Rob Magowan អនុប្រធានការពារជាតិអង់គ្លេសបាននិយាយថា យោធាអង់គ្លេសនឹងត្រូវគ្រប់គ្រង “ហានិភ័យប្រតិបត្តិការ” ដោយសារតែមិនមានធនធានគ្រប់គ្រាន់ ដូចដែលគាត់ចង់បាននៅក្នុងសង្គ្រាមនាពេលអនាគត។
លោកបានបញ្ជាក់ថា «យើងបានដឹងយ៉ាងច្បាស់ថា ប្រាក់ដែលយើងកំពុងចំណាយលើគ្រាប់រំសេវនៅពេលនេះមិនឆ្លើយតបនឹងការគំរាមកំហែងដែលយើងកំពុងប្រឈមមុខនោះទេ។ យើងបានបញ្ជាក់យ៉ាងច្បាស់ថា យើងត្រូវចំណាយប្រាក់បន្ថែមទៀតលើសពីផែនការដែលបានបញ្ជាក់ លើអ្វីដែលយើងហៅថា ការការពារមីស៊ីលការពារដែនអាកាសរួមបញ្ចូលគ្នា»។
នៅពេលដែលត្រូវបានសួរដោយសមាជិកសភា Mark Francois ថា ចក្រភពអង់គ្លេស “មិនអាចប្រយុទ្ធជាមួយរុស្ស៊ីអស់រយៈពេលជាង 2 ខែនៅពេលដែលសង្រ្គាមពេញលេញបានផ្ទុះឡើងដោយសារតែកង្វះគ្រាប់រំសេវ និងអាវុធបម្រុង” លោក Magowan បានសារភាពថា នេះជាការណ៍ពិត។
ប៉ុន្តែលោកនៅតែអះអាងថា អង់គ្លេស «ត្រៀមខ្លួនសម្រាប់សង្គ្រាម» ប៉ុន្តែមិនបានត្រៀមខ្លួនសម្រាប់ជម្លោះរ៉ាំរ៉ៃជាមួយរុស្ស៊ីទេ។
ប៉ុន្តែរដ្ឋមន្ត្រីការពារជាតិអង់គ្លេសលោក Grant Shapps បាននិយាយថា ប្រសិនបើជម្លោះជាមួយរុស្ស៊ីផ្ទុះឡើង សម្ព័ន្ធមិត្តក្នុងសម្ព័ន្ធយោធាណាតូនឹងគាំទ្រទីក្រុងឡុងដ៍ ជាជាងអនុញ្ញាតឱ្យកងទ័ពអង់គ្លេសប្រយុទ្ធតែម្នាក់ឯង៕ ដោយធីរីណា

រូប​ថត​: Reuters