គ្រាប់បាល់ស៊ុតបញ្ចូលទីពី Ollie Watkins និង John McGinn បានជួយឱ្យក្រុម Aston Villa នាំមុខក្រុម Lille ក្នុងវគ្គ៨ក្រុមចុងក្រោយ Europa Conference League ក្នុងលទ្ធផល២ទល់១ ខណៈដែលលោក Unai Emery បានកត់សម្គាល់ការប្រកួតទី១០០០របស់គាត់ក្នុងនាមជាអ្នកចាត់ការទូទៅ។

Watkins ស៊ុតបញ្ចូលទីនៅនាទីទី១៣ បន្ទាប់មក Leon Bailey បានបញ្ជូនបាល់ឱ្យ McGinn ពីជ្រុងមួយ ហើយគាត់បាននាំមុខគ្រាប់ទី២នៅនាទីទី៥៦ ជាមួយនឹងការវាយបកយ៉ាងខ្លាំងក្លាទៅកាន់ក្រុមភ្ញៀវ ។ នៅសល់៦នាទីទៀតចប់ការប្រកួតក្រុម Lille រកបាន១គ្រាប់វិញ ខណៈដែល Bafode Diakite បានតែតបាល់តែតបញ្ចូលទីពីការបញ្ជូនរបស់ Angel Gomes ។

 ការដេញតាមពីក្រោយ ២-០ ក្រុម Lille គិតថាពួកគេប៊ិះនឹងរកបានគ្រាប់បាល់១គ្រាប់ នៅនាទីទី៦៧ ប៉ុន្តែការបញ្ចប់របស់ Gabriel Gudmundsson បានផុតបង្គោលទី និងត្រូវបានច្រានចោលសម្រាប់បាល់ offside បន្ទាប់ពីការត្រួតពិនិត្យរយៈពេលយូរ។

 អ្នកចាំទី Emiliano Martinez ស្ថិតក្នុងទម្រង់លេងដ៏ស្អិត ដោយបានរារាំងបាល់ពីការស៊ុតរបស់ Gudmundsson និងការសង្គ្រោះបាល់ពីការស៊ុតរបស់ Jonathan David ក្នុងការរកគ្រាប់បាល់។

 ការ ប្រកួត ជើង ទី ២ នឹង ប្រព្រឹត្ត ទៅ នៅ ថ្ងៃ ព្រហស្បតិ៍ ខណៈ Lille ត្រូវតែយកឈ្នះយ៉ាងហោចណាស់ក៏២គ្រាប់ទើបអាចឡើងទៅកាន់វគ្គបន្តបានពេលដែលពួកគេប្រកួតនៅកីឡដ្ឋាន Stade Pierre Mauroy៕ (រូបភាព ៖ BBC Sport)