អ្នកទោសជាង 100 នាក់បានរត់គេចខ្លួនពីពន្ធនាគារដែលមានសុវត្ថិភាពខ្ពស់ក្នុងប្រទេសនីហ្សេរីយ៉ា បន្ទាប់ពីភ្លៀងធ្លាក់ខ្លាំងបានបំផ្លាញផ្នែកខ្លះនៃកន្លែងនោះ។

CNN បានផ្សាយថា នៅក្នុងសេចក្តីប្រកាសព័ត៌មានកាលពីថ្ងៃទី 25 ខែមេសា សេវាកែតម្រូវនីហ្សេរីយ៉ា (NCS) បាននិយាយថា អ្នកទោសសរុបចំនួន 118 នាក់បានរត់ចេញពីគុក ដែលមានសន្តិសុខការពារកម្រិតមធ្យមនៅ Suleja រដ្ឋ Niger នៅល្ងាចម៉ោង 24/4 ។ អ្នកទោស ១០ នាក់ត្រូវបានចាប់ខ្លួនមកវិញ។
NCS បាននិយាយថា ផ្នែកខ្លះនិងរបងពន្ធនាគារត្រូវបានខូចខាតដោយសារភ្លៀងធ្លាក់ខ្លាំង។ លើសពីនេះទៀត កន្លែងនេះត្រូវបានសាងសង់ឡើងក្នុងសម័យអាណានិគម ហើយចាស់ពេក ។
NCS បានប្រកាសថា “សាធារណជនត្រូវបានណែនាំឱ្យមានការប្រុងប្រយ័ត្នចំពោះអ្នកទោសដែលរត់គេចខ្លួន ហើយរាយការណ៍ពីអាកប្បកិរិយាគួរឱ្យសង្ស័យណាមួយទៅកាន់ភ្នាក់ងារសន្តិសុខដែលនៅជិតបំផុត” ។
ការរត់គេចពីពន្ធនាគារមិនមែនជារឿងចម្លែកទេនៅក្នុងប្រទេសនីហ្សេរីយ៉ានោះ។ ក្នុងប៉ុន្មានឆ្នាំចុងក្រោយនេះ ការរត់គេចពីពន្ធនាគារជាបន្តបន្ទាប់បានកើតឡើងក្នុងប្រទេសអាហ្វ្រិកនេះ។
ក្នុងឆ្នាំ 2022 អ្នកទោសជាង 300 នាក់បានរត់គេចខ្លួន បន្ទាប់ពីក្រុមឧទ្ទាម Boko Haram បានវាយឆ្មក់ចូលពន្ធនាគារក្នុងរដ្ឋធានី Abuja ។
ក្នុងឆ្នាំ 2021 អ្នកទោសជាង 200 នាក់បានរត់គេចខ្លួនពីពន្ធនាគារក្នុងរដ្ឋ Kogi បន្ទាប់ពីខ្មាន់កាំភ្លើងបានសម្រុកចូលកន្លែងនោះ ហើយបានសម្លាប់ប៉ូលិសម្នាក់។ ប្រាំខែមុននេះ អ្នកទោសជាង 2,000 នាក់បានរត់គេចពីគុកមួយទៀតនៅរដ្ឋ Imo ភាគអាគ្នេយ៍។ អាជ្ញាធរបាននិយាយថា ខ្មាន់កាំភ្លើងប្រដាប់អាវុធបានប្រើគ្រឿងផ្ទុះដើម្បីបំផ្ទុះទីតាំងពន្ធនាគារ៕ ដោយធីរីណា

រូប​ថត​: CNN