ខេត្តបន្ទាយមានជ័យៈ ក្មេងប្រុសម្នាក់បាត់បង់ជីវិតភ្លាមៗក្នុងករណីគ្រោះថ្នាក់ចរាចរណ៍នៅថ្ងៃទី២៨ ខែមេសា ឆ្នាំ២០២៤ ដោយម៉ូតូបើទៅបុករថយន្តនៅចំនុចខាងជើងភូមិផ្លាស់កង់ប្រហែល៥៥០ ម៉ែត្រ ឃុំសារង្គ ស្រុក ស្វាយចេក ។
នគរបាលស្រុកស្វាយចេកបានឲ្យដឹងថា៖នៅមុនពេលកើតហេតុមានម៉ូតូ០១គ្រឿងម៉ាកហុងដាឌ្រីមពណ៏ក្រហម សេរីឆ្នាំ2022ពាក់ស្លាកលេខ1Q.3078បជ បើកបរដោយឈ្មោះ វិញ សុធារុណ ភេទប្រុសអាយុ១៦ឆ្នាំរស់នៅភូមិភាសត្បូង ឃុំសារង្គ ស្រុកស្វាយចេក បើកបរទិសដៅពីជើង ទៅត្បូង ពេលមកដល់ចំនុចកើតហេតុស្រាប់តែបុករថយន្តធុនធំមួយគ្រឿងម៉ាកស្កែននា(SCANIA)ក្បាលពណ៏ស ទ្រុងពណ៌ខ្មៅ សេរីឆ្នាំ2004ពាក់ផ្លាក.3A.3622កំពង់ស្ពឺបើកបរទិសដៅពីត្បូងទៅជើងបណ្ដាលឲ្យគ្រោះថ្នាក់តែម្ដង ។
នគរបាលបានបញ្ជាក់ថាៈក្រោយពេលកើតហេតុអ្នកបើកបររថយន្តដឹកដីទុករថយន្តចោល ហើយរត់េចខ្លួនបាត់ស្រមោល ។មូលហេតុ អ្នកបើកបរម៉ូតូម៉ាកហុងដាឌ្រីមបើកបរមានល្បឿនលឿនធ្វេសប្រហែស ។ផ្នែកសម្ភារៈ ម៉ូតូខូចខាតធ្ងន់និងរថយន្តខូចខាតស្រាល ទាំងពីរត្រូវបានសម្ថកិច្ចយកមករក្សាទុក្ខនៅប៉ុស្ដិ៍នគរបាលរដ្ឋបាលសារង្គ ៕វណ្ណា