ភ្នំពេញ៖ បុរសម្នាក់បានបើករថយន្តម៉ាក NissanFRONTIERមួយគ្រឿងបោះពួយយ៉ាងលឿនក៏បានរេចង្កូតជ្រុលទៅបុករះរបាំងថ្មបាក់អស់ជាច្រើនកង់ចំណែករថយន្តខូចខាតយ៉ាងដំណំ។

ហេតុការណ៍គ្រោះថ្នាក់ចរាចរណ៍ខាងលើនេះដែរបង្កឲ្យមានការភ្ញាក់ផ្អើលកាលពីវេលាម៉ោង១១យប់ ថ្ងៃទី៨ ខែឧសភា ឆ្នាំ២០២៤ ស្ថិតតាមបណ្ដោយផ្លូវ ព្រះសីហនុ កែង១១៣ សង្កាត់ បឹងកេងកង ទី២ ខណ្ឌ បឹងកេងកង រាជធានី ភ្នំពេញ

ប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តម៉ាកNissanFRONTERពណ៌ទឹកប្រាក់ពាក់ស្លាកលេខ ភ្នំពេញ 2AH-7213បើកបរដោយបុរសម្នាក់ធ្វើដំណើរតាមបណ្តោយផ្លូវព្រះសីហនុពីលិចទៅកើតក្នុងល្បឿនលឿនខណះពេលបើកមកដល់ចំណុចកើតហេតុក៏បានរេចង្កូតទៅបុករះរបាំងថ្មបាក់រេលអស់ជាច្រើនកង់រងការខូចខាត ចំណែករថយន្តបង្កខូចខាតផ្នែកខាងមុខយ៉ាងដំណំ សំណាងល្អមិនមានគ្រោះថ្នាក់ដល់មនុស្ស។ ហើយអ្នកបើករថយន្តបង្កក៏បានគេចពីកន្លែងកើតហេតុបាត់តែម្តង។

ក្រោយកេីតហេតុសមត្ថកិច្ចមូលដ្ឋានសហការជាមួយខាងជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វេីការវាស់វែងស្ទូចយករថយន្តបង្កទៅរក្សាទុកដេីម្បីរងចាំដោះស្រាយនៅពេលក្រោយ ៕ដោយ៖សុខាសែនជ័យ