បេក្ខជនអភិបាលក្រុងម្នាក់និងមនុស្សប្រាំនាក់ផ្សេងទៀតត្រូវបានសម្លាប់នៅពេលដែលខ្មាន់កាំភ្លើងវាយប្រហារលើការប្រមូលផ្តុំយុទ្ធនាការមួយនៅរដ្ឋ Chiapas ភាគខាងត្បូងប្រទេសម៉ិចស៊ិកដែលកំពុងមានរលកនៃអំពើហិង្សា។

មន្ត្រីម៉ិចស៊ិកបានរាយការណ៍កាលពីថ្ងៃទី 17 ឧសភា (ម៉ោងក្នុងតំបន់) ថា ឧបទ្ទវហេតុនេះបានកើតឡើងកាលពីយប់ថ្ងៃទី 16 ឧសភា ដោយបានសម្លាប់មនុស្សយ៉ាងហោចណាស់ 6 នាក់រួមទាំងបេក្ខជនអភិបាលក្រុង Lucero លោក Lopez Maza ផងដែរ។ បន្ថែមពីលើនេះ មនុស្សពីរនាក់ផ្សេងទៀតបានរងរបួសក្នុងហេតុការណ៍នោះ។
វាមិនត្រូវបានគេកំណត់ថា តើលោកស្រី López Maza គឺជាគោលដៅដែលមានបំណងរបស់អ្នកវាយប្រហារនោះទេ ដោយសារតែការបាញ់ប្រហារបានក្លាយជារឿងធម្មតា និងរីករាលដាលនៅក្នុងតំបន់។
ការបាញ់ប្រហារនេះបានកើតឡើងនៅចំណុចប្រសព្វមួយក្នុងទីក្រុងជនបទ La Concordia រដ្ឋ Chiapas ចម្ងាយប្រហែល 125 គីឡូម៉ែត្រពីព្រំដែនជាមួយប្រទេស Guatemala ។
តំបន់នៅជិតព្រំដែន Guatemala គឺជាផ្លូវជួញដូរគ្រឿងញៀននិងចំណាកស្រុកដ៏សំខាន់ ហើយក្រុមជួញដូរគ្រឿងញៀនសំខាន់ពីររបស់ម៉ិចស៊ិកកំពុងប្រជែងគ្នាដើម្បីគ្រប់គ្រងតំបន់នេះ។
កាលពីចុងសប្តាហ៍មុន មនុស្ស 11 នាក់បានស្លាប់នៅក្នុងការបាញ់ប្រហារនៅក្នុងភូមិមួយក្នុងទីក្រុង Chicomuselo រដ្ឋ Chiapas ចម្ងាយពីរបីគីឡូម៉ែត្រពីទីក្រុង La Concordia ។ ឃាតកបានសម្លាប់គ្រួសារមួយហើយដុតសាកសព៕ ដោយធីរីណា

រូប​ថត​: Reuters