ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅព្រឹកថ្ងៃទី០១ ខែមិថុនា ឆ្នាំ២០២៤នេះ បានថ្លែងអបអរសាទរ ខួបទី៧៥ ទិវាកុមារអន្តរជាតិ (១មិថុនា) ក្រោមប្រធានបទ៖ ការវិនិយោគលើកុមារថ្ងៃនេះ សំដៅបង្កើនមូលធនមនុស្ស ក្នុងយុគសម័យបរិវត្តកម្មឌីជីថល ១ មិថុនា ១៩៤៩ ~ ១ មិថុនា ២០២៤។
សូមជម្រាបជូនថា កុមារ គឺជាធនធានមនុស្សដែលមិនអាចខ្វះបានសម្រាប់សង្គមជាតិ ហើយការយកចិត្តទុកដាក់ចំពោះសុខុមាលភាព សុវត្ថិភាព សិទ្ធិ ឧត្ដមប្រយោជន៍ និងការអភិវឌ្ឍកុមារគឺជាគ្រឹះដ៏សំខាន់ក្នុងការកសាងមូលធនមនុស្សប្រកបដោយសក្ដានុពលសម្រាប់ការអភិវឌ្ឍកម្ពុជានាពេលអនាគត៕ដោយ៖តារា
