ភ្នំពេញ ៖ ស្ត្រីទី១ នៃកម្ពុជា លោកស្រីបណ្ឌិត ពេជ ចន្ទមុន្នី ហ៊ុន ម៉ាណែត បានមានប្រសាសន៍ថា ៖ គិតមកដល់ម៉ោង ៥:០០ ព្រឹក ថ្ងៃទី៤ មូលនិធិគន្ធបុប្ផាកម្ពុជា បានទទួលថវិកាបរិច្ចាគ ពីបងប្អូនប្រជាពលរដ្ឋចំនួន ៩៩.៩៦៥ នាក់ សរុបជាទឹកប្រាក់ មានចំនួន ១.១៦៤.០៤៧ ដុល្លារអាម៉េរិក ។
នៅលើផេកផ្លូវការ លោកស្រីបណ្ឌិតបានបញ្ជាក់ថា ៖ នាងខ្ញុំសូមគោរពបញ្ជាក់ជូនបង-ប្អូន ជនរួមជាតិទាំងអស់មេត្តាជ្រាបអំពីបច្ចុប្បន្នភាពនៃទឹកប្រាក់បរិច្ចាគ ដោយគិតមកដល់ម៉ោង ៥:០០ ព្រឹក ថ្ងៃទី៤ ខែមិថុនា ឆ្នាំ២០២៤ មូលនិធិគន្ធបុប្ផាកម្ពុជា បានទទួលថវិកាបរិច្ចាគ ពីបងប្អូនប្រជាពលរដ្ឋចំនួន ៩៩.៩៦៥ នាក់ សរុបជាទឹកប្រាក់ មានចំនួន ១.១៦៤.០៤៧ ដុល្លារអាម៉េរិក ។ នាងខ្ញុំសូមគោរពថ្លែងអំណរគុណចំពោះការគាំទ្រយ៉ាងផុលផុស ក្នុងស្មារតីសាមគ្គីភាព“ខ្មែរជួយខ្មែរ” របស់ប្រជាជាតិខ្មែរទាំងមូល។
នាងខ្ញុំសូមអំពាវនាវដល់បងប្អូនសប្បុរសជនដែលមានបំណងចូលរួមបរិច្ចាគក្នុងយុទ្ធនាការនេះ សូមមេត្តាបន្តចូលរួមគាំទ្រ រហូតដល់ថ្ងៃបិទយុទ្ធនាការ។ សូម អរគុណ៕
ដោយ ៖ សិលា
