ភ្នំពេញ : សមត្ថកិច្ចនគរបាលខណ្ឌឬស្សីកែវបានឃាត់ខ្លួនជនសង្ស័យ២នាក់ករណីលួច(ប៉ុនប៉ងលួច) កាលពីម៉ោង១២:៣០នាទីរំលងអធ្រាត្រឈានចូលថ្ងៃទី៤ខែមិថុនាឆ្នាំ២០២៤ នៅចំណុចផ្លូវ៥៩៨ ភូមិទួលថ្ងាន់ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យទី១ឈ្មោះ នាង រដ្ឋា ភេទប្រុស ស្នាក់នៅភូមិក សង្កាត់គីឡូម៉ែត្រ៦ ខណ្ឌឬស្សីកែវ រាជធានីភ្នំពេញ (ធ្លាប់ជាប់ពន្ធនាគារចំនួន២ដងនិងធ្លាប់ប្រើប្រាស់គ្រឿងញៀន)។ ជនសង្ស័យទី២ឈ្មោះ សឹង្ហ ហ្វាត់ ភេទប្រុស អាយុ៣១ឆ្នាំស្នាក់នៅភូមិក សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ (ធ្លាប់ជាប់ពន្ធនាគារចំនួន១ម្ដងនិងមានសារធាតុញៀន)
។ សម្ភារៈដកហូតរួមមានម៉ូតូម៉ាកហុងដា និច ពណ៌ស ពាក់ស្លាកលេខ កណ្តាល 1AB-1602 ដែតសំប៉ែតចំនួន០១
សោចិញ្ចៀនលេខ៨ ចំនួន២ដេីម ដង្កាប់កាត់១ និងកូនសេាចំនួន០៣គ្រាប់។
សមត្ថកិច្ចបានងឱ្យដឹងទៀតថា នៅម៉ោង១២:៣០នាទីរំលងអធ្រាត្រឈានចូលថ្ងៃទី៤ខែមិថុនាឆ្នាំ២០២៤ កម្លាំងល្បាតខណ្ឌប៉ុស្តិ៍កំពុងល្បាតក្នុងមូលដ្ឋានតាមផ្លូវ598 មកដល់ចំណុចភូមិទួលថ្ងាន់ សង្កាត់ទួលសង្កែ២ ខណ្ឌឫស្សីកែវ រាជធានីភ្នំពេញ ក៏បានជួបនឹងជនសង្ស័យ២នាក់កំពុងជឹះម៉ូតូមួយគ្រឿងម៉ាក suzuki next ក៏បានកាក់សួរនាំនិងឆែកឆេរក៏មកប្រទះឃើញសោកាច់កម៉ូតូរួចក៏ឃាត់ខ្លួនយកមកប៉ុស្តិ៍នគរបាលរដ្ឋបាលទួលសង្កែទី2 ដេីម្បីអនុវត្តតាមនីតិវិធី៕ជ្រោយពេជ្រ
