ភ្នំពេញ បុរសម្នាក់បើកម៉ូតូសណ្ដោងរ៉ឺម៉កមួយគ្រឿង ហេីយវ៉ាជែងមិនប្រយ័ត្នជ្រុលទៅបុកគូទរថយន្តដឹកស៊ីម៉ង់ពីក្រោយពេញទំហឹងបណ្ដាលឱ្យផ្លោងគៀបជាប់និងរថយន្តរងរបួសធ្ងន់ បង្កឲ្យមានការភ្ញាក់ផ្អើលដល់អ្នកដំណេីរកាលពីវេលាម៉ោង១០ និង១០នាទីព្រឹកថ្ងៃទី៧ ខែមិថុនា ឆ្នាំ២០២៤ នៅតាមបណ្ដោយផ្លូវ២១៧ ស្ថិតនៅភូមិបាគួ សង្កាត់ដង្កោ ខណ្ឌដង្កោ រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកើតហេតុគេសង្កេតឃេីញ បុរសម្នាក់បានបើករថយន្តដឹកស៊ីម៉ង់ត៍ ពណ៌លឿង ពាក់ផ្លាកលេខភ្នំពេញ 3C-8978 ធ្វេីដំណេីរតាមបណ្ដោយផ្លូវ២១៧ ទិសដៅពីជើងទៅត្បូងក្នុងល្បឿនល្មម ខណ:មកដល់ចំណុចកើតហេតុក៏មានបុរសម្នាក់ទៀតបានបើកម៉ូតូសណ្ដោងរ៉ឺម៉កមកពីក្រោយក្នុងល្បឿនលឿនហើយក៏បានវ៉ាជែងរថយន្តមួយគ្រឿងផ្សេងទៀតមកឆ្វេងដៃក៏ជ្រុលទៅបុកគូថរថយន្តដឹកស៊ីម៉ង់ពេញទំហឹង បណ្ដាលឲ្យអ្នកបេីកម៉ូតូសណ្ដោងរុឺម៉កផ្លោងគៀបជាប់និងរថយន្ត រងរបួសធ្ងន់ ។ ភ្លាមៗប្រជាពលរដ្ឋនិងសមត្ថកិច្ចមូលដ្ឋានបានជួយគាស់នឹងហៅរថយន្តរបស់មន្ទីរពេទ្យបង្អែកដង្កោ ឲ្យមកជួយដឹកជនរងគ្រោះទៅសង្គ្រោះអាយុជីវិត ។
ក្រោយពេលកើតហេតុ សមត្ថកិច្ចមូលដ្ឋានផ្នែកជំនាញចរាចរណ៍ បានឲ្យភាគីតំណាងទាំងពីរធ្វើការសម្របសម្រួលគ្នា ។ ពេលនោះភាគីខាងរថយន្តនិងម៉ូតូសណ្ដោងរុឺម៉កក៏បានព្រមព្រៀងគ្នា ដោយមិនបានទារសំណងអ្វីទេ គឺយករថយន្តនិងម៉ូតូសណ្ដោងរុឺម៉កទៅជួសជុលរៀងៗខ្លួនបញ្ចប់រឿងនៅនិងកន្លែង ៕ដោយ ៖ ភារ៉ា ដង្កោ
