ភ្នំពេញៈ បុរសជនជាតិបរទេសម្នាក់ ស្រវឹងបានបេីករថយន្តម៉ាក ford territory រេចង្កូតឡើងចិញ្ចើមផ្លូវបុកនិងបង្គោលថ្មបាក់អស់ជាច្រើន រងការខូចខាតយ៉ាងដំណំ។
ហេតុការណ៍នេះដែរបានកេីតឡើងនៅវេលាម៉ោង ៤ទៀបភ្លឺថ្ងៃទី១១ ខែមិថុនា ឆ្នាំ២០២៤ ទល់មុខវត្តលង្កា ផ្លូវព្រះសីហនុ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានឱ្យដឹងថា មុនពេលកេីតហេតុ គេបានឃើញ បុរសជាជនជាតិបរទេសម្នាក់ បានបេីករថយន្តម៉ាក ford territoryពណ៌ស ពាក់ស្លាកលេខ ភ្នំពេញ 2BS 1048 បានបេីកធ្វើដំណើរតាមបណ្ដោយផ្លូវ ព្រះសីហនុទិសដៅ ពីលិចទៅកេីត ក្នុងល្បឿនលឿន លុះមកដល់ចំនុចកេីតហេតុដោយសារតែអ្នកបេីកបរស្រវឹងផងនោះ ទេីបធ្វើអោយរថយន្តរេចង្កូតទៅខាងស្ដាំដៃឡើងចិញ្ចើមផ្លូវ ហេីយរថយន្ដបន្តទៅបុកនិងបង្គោលថ្ម មុខរបងវត្ត បណ្ដាលឲ្យខូចខាតអស់ចំនួនបង្គោល និងឥដ្ឋការរ៉ូឡាអស់មួយចំនួន ហេីយធ្វេីអោយរងការខូចខាតរថយន្តផ្នែកខាងមុខផ្ទុះពោងសុវត្ថិភាព ទៅមុខលែងរួច ។
ករណីនេះដែរមិនបង្ករអោយមានគ្រោះថ្នាក់ដល់មនុស្សនោះទេ ចំនែកបេីកបរបានចុះពីលើ រថយន្តឡើងជិះម៉ូតូកង់បីគេចចេញទៅបាត់ ។
ក្រោយពេលកេីតហេតុរថយន្តត្រូវសមត្ថកិច្ចជំនាញស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដោះស្រាយ ៕ដោយ៖សុខាសែនជ័យ
