ប្រមុខវិមានក្រឹមឡាំងបាននិយាយថា រុស្ស៊ីចាត់ទុកឃ្លាំងអាវុធនុយក្លេអ៊ែររបស់ខ្លួនថាជាការធានានៃការរារាំងជាយុទ្ធសាស្ត្រដ៏សំខាន់ ដើម្បីរក្សាតុល្យភាពអំណាចសកល។

នៅក្នុងសុន្ទរកថាចុងក្រោយរបស់គាត់ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយថា ទីក្រុងមូស្គូនឹងធ្វើឱ្យប្រសើរឡើងនូវឃ្លាំងអាវុធនុយក្លេអ៊ែររបស់ខ្លួន ពីព្រោះនេះគឺជាមធ្យោបាយដ៏សំខាន់ក្នុងការធានាសន្តិសុខជាតិ។
ថ្លែងនៅក្នុងកិច្ចប្រជុំជាមួយនិស្សិតបញ្ចប់ការសិក្សាពីសាលាយោធាកាលពីថ្ងៃទី 21 ខែមិថុនា លោកប្រធានាធិបតីពូទីនបានព្រមានថា ប្រទេសរុស្ស៊ីនឹងប្រើប្រាស់គ្រប់មធ្យោបាយដែលមានដើម្បីការពារខ្លួនប្រសិនបើអត្ថិភាពនៃរដ្ឋត្រូវបានគំរាមកំហែង។
ប្រមុខវិមានក្រឹមឡាំងបានថ្លែងថា៖ «យើងមានគម្រោងបន្តអភិវឌ្ឍនុយក្លេអ៊ែរទាំងបីជាការធានានៃការរារាំងជាយុទ្ធសាស្ត្រ និងរក្សាតុល្យភាពនៃអំណាចក្នុងពិភពលោក»។
“នុយក្លេអ៊ែរបី” ដែលប្រធានាធិបតីរុស្ស៊ីបានលើកឡើងនោះ គឺជាការរួមបញ្ចូលគ្នានៃមីស៊ីលផ្លោងអន្តរទ្វីបដែលមានមូលដ្ឋានលើដី មីស៊ីលផ្លោងបាញ់ពីនាវាមុជទឹក និងយន្តហោះទម្លាក់គ្រាប់បែកយុទ្ធសាស្ត្រ ដែលសុទ្ធតែអាចផ្ទុកក្បាលគ្រាប់នុយក្លេអ៊ែរបាន។ ប្រព័ន្ធសព្វាវុធទាំងនេះធានាថាសត្រូវដ៏មានសក្តានុពលមិនអាចបំផ្លាញកម្លាំងនុយក្លេអ៊ែររបស់រុស្ស៊ីក្នុងការវាយប្រហារលើកដំបូងតែមួយ។
យោងតាម RT សេចក្តីថ្លែងការណ៍ខាងលើត្រូវបានធ្វើឡើងដោយប្រធានាធិបតីពូទីនក្នុងបរិបទនៃភាពតានតឹងរវាងទីក្រុងមូស្គូ និងលោកខាងលិចជុំវិញសង្គ្រាមនៅអ៊ុយក្រែន៕ ដោយធីរីណា

រូប​ថត​: Kremlin