ខេត្តកែប៖ សមត្ថកិច្ចនគរបាលក្រុងកែបបានឃាត់ព្រះកាយព្រះសង្ឃមួយអង្គដែលគង់នៅវត្តភ្នំព្រូសពាក់ព័ន្ធបទល្មើសចែកចាយ និងប្រើប្រាស់គ្រឿងញៀន កាលពីរាត្រីថ្ងៃទី២៧ ខែកក្កដា ឆ្នាំ២០១៦ នៅភូមិ-សង្កាត់ព្រៃធំ ក្រុង-ខេត្តកែប។

សមត្ថកិច្ចបានឲ្យដឹងថា ព្រះសង្ឃអង្គនេះព្រះនាម សុខ ចាន់ឌី ព្រះជន្ម២២ព្រះវង្សា គង់នៅវត្តភ្នំព្រូស ស្ថិតក្នុងទីតាំងកន្លែងកើតហេតុខាងលើ និងចាប់យកវត្ថុតាងជាក់ស្តែងរួមមាន ប្រភេទ ម៉ាទឹកកក១កញ្ចប់ ទូរស័ព្ទដៃ៣គ្រឿង និងឧបករណ៍ប្រើប្រាស់គ្រឿងញៀនមួយចំនួនទៀត។ ក្រោយមកព្រះសង្ឃអង្គនេះត្រូវបានចាប់ផ្សឹកផងដែរ ដើម្បីកសាងសំណុំរឿងបញ្ជូនទៅសាលាដំបូងតាមនីតិវិធី៕

ដោយ៖ សុខ ខេមរា