ភ្នំពេញ៖ បុរសម្នាក់បានស្លាប់ភ្លាមៗនៅនិងកន្លែងកើតហេតុចំណែកឯបុរសម្នាក់ទៀតរងរបួសធ្ងន់បញ្ជូនទៅមន្ទីពេទ្យខណះពេលជិះម៉ូតូឆ្លងកាត់ទទឹងផ្លូវត្រូវរថយន្តដឹកដែកធន់ធំបើកមកលឿនកិនម៉ូតូជាប់ក្រោមរថយន្ត​ កាលពីវេលាម៉ោង១១និង៣០នាទីយប់ថ្ងៃទី២៦ខែមិថុនា ឆ្នាំ២០២៤ ស្ថិតនៅ លើផ្លូវចោមចៅ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។

បើតាមការបញ្ជាក់ពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសពីរនាក់ បានជិះ ម៉ូតូ ម៉ាកHONDA SCOOPY ពណ៌សមួយគ្រឿងពាក់ ស្លាកលេខ ភ្នំពេញ 1IW-0335 ជិះ ឌុប គចេញពីផ្លូវបេតុងផ្សារដីថ្មីក្នុងទិសដៅពីត្បូងមកជើង រួចក៏ឆ្លងកាត់ទទឹងផ្លូវស្របពេលរថយន្តដឹកដែកធន់ធំក្បាលពណសពាក់ ស្លាកលេខ ព្រះសីហនុ 3A-2519 បេីក បរដោយបុរសម្នាក់ធ្វើដំណើរតាមបណ្តោយផ្លូវចោមចៅពីលិចមកកើតក្នុងល្បឿនលឿនក៏ជ្រុលបុកហេីយ កិន ពីលើម៉ូតូបណ្ដាលឲ្យ បុរសម្នាក់ស្លាប់ និង ម្នាក់ទៀតរួមដំណើរជាមួយបាន រងរបួស ធ្ងន់ បញ្ជូន ទៅ មន្ទីរពេទ្យ ភ្លាមៗ។ ចំណែកនាក់បើករថយន្តបង្កបានរត់គេចខ្លួនពីកន្លែងកើតហេតុបាត់ស្រមោល។

ក្រោយពេលកេីត ហេតុសមត្ថកិច្ច មូលដ្ឋានសហការជាមួយនិងជំនាញ ចរាចរណ៍ផ្លូវគោកនៃស្នងការដ្ឋាន នគរបាលរាជធានីភ្នំពេញ ចុះមក វាស់វែងយករថយន្ត និងម៉ូតូទៅរក្សា ទុករង់ចាំការដោះស្រាយនៅពេល ក្រោយ ចំណែកសពសមត្ថកិច្ចធ្វើកំណត់ហេតុប្រគល់ ឲ្យសាច់ញាតិយកទៅធ្វើ បុណ្យតាមប្រពៃណី ៕ ដោយ សុខាសែនជ័យ