ខេត្តស្វាយរៀង៖ បុរសម្នាក់រងរបួសបែកមាត់បាក់ធ្មេញអស់៣ហូរឈាមកក្លាក់ហើយត្រួវបានអ្នកភូមិជួយសង្គ្រោះដឹកទៅកាន់មន្ទីពេទ្យខណៈដែលផឹកស៊ីជាមួយក្លើរ ហើយនិយាយផ្លែផ្ការដាក់គ្នាក៏បង្កើតជាហិង្សាដោយបុរសបង្កបានទាញដំបងដើមប្រេងខ្យល់វាយឲ្យរបួសធ្ងន់កាលពីវេលាម៉ោង១២និង១៥នាទីរសៀលថ្ងៃទី២៧ ខែកក្កដា ឆ្នាំ២០១៦ នៅភូមិតាជោ សង្កាត់ស្វាយតឿ ក្រុងស្វាយរៀង។

សមត្ថកិច្ចនគរបាលក្រុងស្វាយរៀងបានឲ្យដឹងថា ជនរងគ្រោះមានឈ្មោះ វ៉ា សាវន់ ហៅ ទិតអាយុ៣៨ឆ្នាំ មុខរបរធ្វើស្រែ រស់នៅភូមិតាជោសង្កាត់ ស្វាយតឿ  ក្រុងស្វាយរៀង ដោយរងរបួសធ្ងន់ត្រង់មាត់ និងស្មាកំពុងសំរាកព្យាបាលនៅមន្ទីរពេទ្យខេត្តស្វាយរៀង។

ចំណេកជនសង្ស័យដែលជាមិត្តរាប់ឆ្នាំហើយបង្ករបួសស្នាមមានឈ្មោះ កែន ចាន់ធឿន ហៅពុត អាយុ៣៣ឆ្មាំ មុខរបរលក់ពងទាមានទីលំនៅក្នុងភូមិឃុំកើតហេតុខាងលើ។

តាមចម្លើតសារភាពរបស់ជនសង្ស័យបានឲ្យដឹងថា មូលហេតុដោយសារតែជនរងគ្រោះ ដែលត្រូវជាក្លើរបានឌឺដងពាក្យសំដីដាក់រូបខ្លួនខ្លាំងពេកណាមួយស្រវឹងស្រាផងធ្វើឲ្យរូបគេទ្រាំមិនបានក៏ស្ទុះទាញបានព្រនង់ដើមប្រែងខ្យល់ ប្រវែងជាង១ម៉ែត្រវាយតែម្ដងទៅ។

បច្ចុប្បន្នជនរងគ្រោះកំពុងសំរាកព្យាបាលនៅមន្ទីរពេទ្យខេត្តស្វាយរៀង ចំណែកជនសង្ស័យឃាត់ខ្លួននៅអធិការដ្ឋាននគរបាលក្រុងស្វាយរៀង ដើម្បីកសាងសំណុំរឿងចាត់ការតាមនីតិវិធី៕

ដោយ៖ យឹម សុថាន